如何窮過聖誕 — 紅葉篇

社會熱話

廣告

12月又到,仲有20日就到聖誕節!小編唔少朋友都話想約女神出街,但女神嫌佢地啲地方冇新意,加上之前個個炒股炒到損手爛腳,冇乜BUDGET,所以走嚟問下可以點搞。

小編就PLAN咗個窮過浪漫聖誕畀佢地~唔知又啱唔啱大家?

行程

朝早先去紅葉勝地野餐,香港有唔少公園有紅葉睇,例如青衣公園、香港公園、維多利亞公園、九龍寨城公園、佐敦谷公園等等。呢啲公園通通喺市區,唔使入到元朗大西北咁遠,女神實唔會詐型!

一邊野餐,一邊有紅葉飄落嚟,超級浪漫!~野完餐,賞完葉,仲可以執幾塊紅葉返屋企,一齊DIY整紅葉標本,送埋畀女神做定情信物!

最後同女神出去尖沙咀睇燈飾,加埋到某快餐店鋸扒食西餐!~咁就搞掂聖誕禮物+聖誕大餐+聖誕行程,全日花費都唔係貴,而且行程仲好有心思,一定氹到女神開心啦!

紅葉製作方法

1. 將鮮紅葉浸喺酒精入面一陣再晾乾。

2. 然後將紅葉片展平夾喺書入面,每日翻動一次,檢查書頁喺唔喺乾燥。如果書頁潮濕,就將標本移到另一頁繼續。若紅葉較厚、含水量就較多,自然封乾時間大約為10天左右;如果喺薄葉,就3至5日就成功。

3. 其實等紅葉乾咗就大功告成,但想佢保存得好啲, 就可以將標本放喺襯紙上鋪平,再用膠水將標本貼實就搞掂。