筍工就在眼前

香港地工時長，壓力大，相信唔少人都會有星期一恐懼症。小編都係其中之一，但係偏偏畀我見到一份荀工，好想日日返工！

呢間公司就係Facebook喇！你冇睇錯，Facebook係香港鰂魚涌設有Office，而個Office令小編唔想離開加想即刻轉工(希望boss睇唔到呢篇稿)！

你係到做野做到悶可以去跑下步、坐下按摩椅，以為咁已經好正？呢個只係開始咋！

天氣好就拎個望遠鏡睇下維港，Office成60樓咁高，冇野阻到視線！

大家冇睇錯，呢間房叫Mother’s room，係比啱啱生左BB既媽媽用，真係好貼心，唔單止男士有超過三日既侍產假，FACEBOOK考慮到媽媽返工可能會掛住BB，仲可以俾媽媽帶埋BB返工照顧佢地，好Warm呀！ (其實帶埋寵物都得)

最令小編心動的，莫過於Facebook自家出品麻雀，街上面冇得買架！返工返到攰時，同同事對住無敵大海景攻打四方城，真係天大享受！

最後不能不提pantry，唔知大家公司既pantry係點既呢，不過Facebook呢個真係滿分！成間7仔咁，汽水果汁就唔使講實有啦，估唔到連啤酒同紅酒都有！

我望唔透，我究竟去左樂園定Office。呢種Dream Office通常只有外國先睇到，估唔到香港都有，係呢個環境之下，真係日日OT都願呀。可惜這些機會暫時不屬於我的。

相就睇到呢到，相信大家都好好奇點樣先可以入到去做。其實FACEBOOK所有事務都係ONLINE搞，連應徵都不例外。只要click右下角既工作機會，就可以睇到有咩空缺。其實FACEBOOK主要都係做marketing工作，幫客戶落廣告。請人準則就係對工作要有熱誠，同埋要自律！因為基本上冇乜野係唔做得，你帶埋BB及寵物返工都得，有咩唔得？所以自律好重要，佢地冇正式返放工時間同lunch hour，只要你可以好好完成你既工作就乜都得！

如果你對呢個工作有興趣而又夠自律就去應徵啦，相信你唔會再怕星期一架喇！