【網上熱話】「綠公仔」等於安心過路？的士涉違例左轉嚇煞行人

社會熱話

Jan 6 2021

交通燈即使亮起「綠色人像」燈號(俗稱「綠公仔」)，行人都要打醒十二分精神！有網民昨下午4時許，在深水埗大埔道準備橫過馬路時，一輛的士涉違例從南昌街左轉入大埔道，當時大批行人見「綠公仔」亮起而正在過路。發帖網民提醒其他人，指過馬路「真係唔可以睇電話」，又表示涉事的士要被一名中年男子拍打車窗才停車，形容「好危險呢」。

網民「Sybil Chshku」昨在Facebook群組「深水埗街坊會」貼出有關相片後，大批網民都指出車輛不能從該路口左轉入大埔道，「嗰個街口唔好似唔可以左轉，只可直行同右轉喎！」有人認為涉事司機或干犯不小心駕駛罪，並指「無論如何，綠公仔撞到行人死硬」。有網民就分享，區內亦有其他路口常有汽車違例左轉，「長沙灣道添福個燈位，有時會有車博矇(懵)轉入黃竹街」、「荔枝角道南昌街向美孚方向成日有車違規左轉，荔枝角道轉南昌街」。
有留言就認同「綠公仔」也不能掉以輕心，該網民指過馬路不論紅燈或綠燈，也應要望清楚車輛是否已經停下，又舉例指附近的長沙灣道容易有司機不慎直衝，「尤其係長沙灣道呢類三線行車的馬路，咁啱慢線同快線(即是一左一右)有巴士停咗晌(喺)度等紅燈，遮咗左右兩盞紅綠燈，係會有盲毛司機晌中線直衝出去的」，形容「如果行人唔睇清楚先過，死咗九年。」俗語有云「馬路如虎口」，行人無論當時是否有道路優先權，最好也先留意現場的實際情況。