網上熱話｜天耀邨街坊開鬥慘大會　每晚輪流聽呢4種曲風

有街坊指出，聲音來自同座的其中一戶，每日都會播兩至三次，「我都覺得好騷擾」，又笑言交響樂已經算好，「之前係敲木魚聲，仲衰呀……」有留言直言「日日係咁真係人都癲」、「好彩呢排聽交響樂」、「交響樂都好過佛經個啲歌，成日晨早播到勁大聲。」
同邨的耀泰樓、耀盛樓附近，也有類似向窗外大聲播音樂等情況。有同邨街坊指每晚9時至11時左右，就有低層住戶開始高聲播收音機，10時更會開始傳出類似粵曲的音樂，又直言曾先後向保安和警方求助，但兩邊都未能解決問題，慨嘆「原來大家都有咁既(嘅)問題，原來天耀唔止一棟樓係咁」。此外，亦有不同位置的邨民透露「近新北江個面，用重低音播電音……心仔都跟拍子跳埋出嚟，真係攞命……」

播歌之外更有人唱K
除播放現成的音樂，更有邨民分享經常聽到有人在窗邊大展歌喉。有留言指單位附近，有一名婦人經常唱卡拉OK，「成晚唱到好似粵曲咁，又走哂音，難受到呢」，亦有人稱樓上有中年男子、樓下有年輕人每晚都唱K，「咪當培養下咯(囉)……晚黑八九點開始十一點幾左右就停，唔錯呀……雖然我都唔識欣賞」。
面對各種不同曲風，有網民就指出可根據香港法例第400章《噪音管制條例》報警求助，但有人隨即戲言：「萬一佢發起顛上嚟清唱就大鑊」。

資料來源：AM730