網上熱話|港大去青衣堅持行紅隧 搭的士慳15元塞車值唔值?

網上熱話|港大去青衣堅持行紅隧 搭的士慳15元塞車值唔值?

社會熱話

廣告

香港人時間寶貴,很多人都會搭的士「用錢買時間」,希望更快到達目的地。有的士司機日前由薄扶林香港大學接載一名乘客往青衣時,雖然經西區海底隧道比較直接,惟礙於較高昂的隧道費,乘客甫上車便指明須取道海底隧道。

該名的士司機在Facebook群組「的士司機資訊網 Taxi」發帖時,指當時屬平日的下午4時許,他形容自己雖然不趕時間、行紅隧亦能賺多些,但仍有提醒乘客經西隧路程比較直接、時間較短,最重要是的士車費不會貴太多,估計只需約220元。不過,對方強調「紅隧平好多」,司機最終當然按其意願駕駛。
抵埗後嘆為何嘥時間行紅隧
抵達青衣後車程埋單205元、耗時約45分鐘,發帖司機憶述對方當時感慨「話自己仲(做)咩嘥咁多時間行紅隧,仲要差唔多價錢」,他遂戲言「我安慰佢話你想俾我賺,唔想益隧道公司囉」。
不少留言都認為,由港大去青衣行西隧理應是最正路,若順燈最平只需約210元,「慳果(嗰)少少浪費自己時間」、「諗住平啲咋,點之平唔到幾多」。有相信是同業的網民,則分享一些載客軼事,指試過由西環往尖沙咀擎天半島、石塘咀去油麻地塘尾道、上環往沙田等,都被指明行紅隧。

有客聽完預計時間改變主意
有網民就形容紅隧全天候擠塞眾所周知,仍堅持用紅隧的人是「極品」,「紅隧一塞車,個價錢又咪係同西隧一樣」、「大把呢D(啲)客,搭的士又想慳荷包,從來唔會計時間成本」。不過,也並非每名客人都一意孤行,有網民分享試過有乘客由深水埗往鰂魚涌,上車時表示要行紅隧,其後司機用Google地圖評估行車時間後,指行西隧需時22分鐘、紅隧要45分鐘,最初客人仍堅持紅隧,惟開車後終轉軚。

網上熱話|港大去青衣堅持行紅隧 搭的士慳15元塞車值唔值?
有的士司機認為,由薄扶林去青衣行西隧雖然車費貴少少,時間上卻能節省不少。(資料圖片)

資料來源:AM730