想要成功人生 30歲前後必做五件事

生活消閒

廣告

對好多人黎講,30歲係人生分界線,30歲前有好多野可以試,30歲後就切切實實為自己人生做好準備。其實坊間真係有唔少人生規劃的教學,教你好多耳熟能詳的人生大道理,不過大家睇得多都好亂。以下小編就簡單總結咗五點,等大家可以及早規劃人生。

撰文:高清

30歲前

1)搵工作方向
20歲有唔少人連書都未讀完,好多人23歲先正式畢業,去搵下工。好多時呢個年紀嘅香港年青人對前路好迷惘,又怕搵唔到工,又唔知咩工先啱自己做。不過,咁都好正常嘅。只要你唔好怕,試下唔同嘅工作,因為有時要真係要落手落腳做先知你係咪鍾意。最好可以喺30歲前搵到啱自己嘅工,專心發展事業。

2)Keep 住你啲朋友
畢業之後,朋友間好多時「你有你嘅生活,我有我嘅忙碌」。大家都突然間好忙,又冇得好似之前返學咁成日見。但係,就算幾難keep都要keep!因為呢班人就係你第一班喺社會嘅人際網絡,開講有話「識人好過識字」,一個唔覺意,呢班朋友可以救你一命,幫你走過一啲難關。

3) 嘗試「看透世事」

看透世事嘅意思,係要嘗試了解人生百態,知道社會上發生嘅事,對社會有個概念。除咗對社會有認識,亦都要認識人嘅心態。所謂「一樣米養百樣人」,社會上咩人都有,所以見多啲唔同人,就可以知多幾類人嘅人心態,做起野來就冇咁易撞板!

30歲後

1)於工作建立自己專長領域
一份工作做耐咗,好容易就會「食老本」,冇咩動力學新野。不過,千祈唔好諗住咁就可以一世,香港地競爭大,真係努力成為某一方面嘅專家。例如,設計師,就可以研究一啲設計軟件,玩盡個軟件,令自己變得更加專業,仲可以提升工作效率添!

2)學習投資
30-40歲嘅人都喺社會做咗一段時間,唔多唔少都有少少錢儲落。有嘅就唔好晒,學下投資,用錢搵錢。香港咩都貴,食野貴,買樓又貴,打死一世工,諗真啲真係唔係好掂。所以,要試下投資,買股票又好,保險又好,iBond都好,總好過放喺銀行等啲錢貶值。

人生有咁多野做,小編就覺得最重要都係要快啲搵到自己嘅人生目標,向住自己的理想同目標進發,咁就應該無錯啦!

延伸閱讀:
【100萬退休金 只夠活到77歲】
http://www.edigest.hk/Vip/detail?id=1860

【新型公屋裝修三大慳錢貼士 17萬可變型格居所】

如我有特別需要申請政府津貼,有什麼津貼可以申請?

如是長者/傷殘人士,可以留意長者生活津貼長者咭樂悠咭傷殘津貼申請綜援等等,在住屋方面,可以考慮申請公屋

如果我想外旅/返回內地,有什麼需要留意?

首先,要留意特區護照/回鄉證是否需要續期,以及留意不同貨幣的匯率走勢,包括人民幣兌港幣日元兌港元英鎊兌港元等等。