【東京奧運】淨係免佣咁孤寒！美聯抽水廣告消費張家朗 逾百留言圍插「小學雞」：不如話娶你個女免禮金
撰文：經一編輯部｜ 圖片：AM730、美聯物業FB
美聯：奧運獎牌得主「置業佣金」
美聯物業昨日發表新聞稿，表示「美聯港人齊心緊貼奧運會最新形勢，已於張家朗奪冠後，即時於Facebook刊登『劍神之選』，推介$500萬及$750萬筍盤。」
又宣布，為慶祝張家朗為港爭光，特別為得獎健兒推出免佣優惠：「凡獎牌得主以個人名義置業，均可免收佣金」，藉此支持港隊再創佳績。
新聞稿提到，「『堅持・永不放棄』是張家朗的奪金精神，正好與美聯人『天道酬勤，堅持不懈』的文化不謀而合」，又強調「與港人同呼吸、共成長」。
網民著眼的「關公災難」，觸發點源自美聯為張家朗及本屆成功贏得獎牌的香港運動員提供「置業免佣」優惠。
按照新聞稿內容，是次優惠為「凡獎牌得主以個人名義置業，均可免收佣金」；惟網民對此舉宣傳卻惹來連串負面批評，認為美聯過度消費運動員，又指張家朗奪金與免佣「無直接關係」。
網民曲線：何詩蓓啱啱夠資格！
今次美聯不慎「抽錯水」，隨即引起網民圍攻其官方FB網頁，帖文發布不足一日，已積超過一百個留言直插美聯借機叨光，直言送免佣優惠予張家朗，比起林大輝捐出250萬更加寒酸。
粗略統計，網上批評意見離不開：「但要世界冠軍，香港人之光同你賣廣告？」、「邊個諗出嚟？」，更有網民評為「小學級」Marketing災難：
- 恭喜何詩蓓，啱啱都夠資格去美聯到免佣
- 有冇諗過前線同事都要開飯？咁都叫撐？你不如撐陳約臨啦！
- 仲要人地幫你開單咁老土
- 蘇樺偉同俞翠怡已經攞過好多次，點解當時唔出聲？
- 出手咁低，人哋肯幫襯你先算！
- 有成績先喺度消費運動員嘅成果
- 你不如話娶你個女免禮金
黃傑龍贈「金會員」獲讚
事實上，自港隊連番創出奧運佳績，不少商業機構均主動送禮，既獎勵運動員多年付出，亦為公司品牌建立形象，但有時太過出位或眼高手低，換來反效果便得不償失。
參考叙福樓集團主席兼行政總裁黃傑龍，日前在社交平台表示，有意送出旗下飲食集團金會員予張家朗，又指「已經搵到高人協助」，相信下星期有進展」，結果獲得網民一致讚好。
黃傑龍表示，「其實運動員喺東京仍然係專心下一輪比賽，仲有團體賽，所以我哋都係唔好搞咁多嘢影響佢哋備戰，我哋暫時自high住先，所以我頭先同同事商量好，今晚大家放工後去株式會社任何餐廳食晚飯，我同店長請大家飲啤酒，18歲以上人人有份，大家飲番杯慶祝吓。」
除此以外，比較有創意的是Speed Dating約會公司「香港婚活」指，為恭賀港隊花劍王子張家朗奪金牌及女飛魚何詩蓓奪銀牌，凡報名登記參加單對單約會並出示個人運動照，即可享85折優惠，名額只有30個。
KFC送葡撻 餸潮最多85折
多間食肆亦推優惠，KFC指，由今日至8月1日的上午11時後，惠顧M1至M3一人套餐，即送經典葡撻1件。
網民都打趣留言：「金又葡撻，銀又葡撻，係咪最近葡撻滯銷？送隻脾都唔過份啦。」
食品店「餸潮」表示，普天同慶大日子，只要名字中有「張」、「家」、「朗」或「何」、「詩」、「蓓」，單字即享正價88折，雙字即享正價85折，3字即可獲神秘禮物1份，優惠由即日起至東京奧運閉幕，又指愈多港隊拎獎，會再增加優惠。
本灣水產慶飛魚全線飛魚籽8折
「彩虹串燒專門店」指，在今日及明日，凡訂座堂食的顧客朋友可獲9折優惠，若名字中有「詩」或「蓓」可獲8折優惠，若名字為 「詩蓓」則可獲7折優惠。
有網民問「另一個思得唔得呀」，彩虹串燒專門店回覆指：「可以呀，有9折優惠呀」。
「本灣水產」則指，恭喜何詩蓓歷史性勇奪奧運銀牌，今明兩日，全線飛魚籽同飛魚籽壽司8折，一齊全城慶祝。
Card Hero：出示何詩蓓奪銀牌報道享95折優惠
卡牌遊戲專門店「Card Hero」亦表示，由即日起至7月31日，凡於結賬前出示任何有關何詩蓓奪銀報道，即享全單一次性95 折優惠。
凡名字中含有「詩蓓」二字，於結賬前出示有效身份證，即享全單一次性85折優惠。
九份茶舍：向店員展示飛吻可獲全單半價
另外，在張家朗奪金後，賽後現場訪問的電視台節目主持陳約臨訪問表現引起爭議，並對張家朗說：「佢哋叫我畀個飛吻你」。
「九份茶舍」則表示「恭喜何詩蓓！再次為我哋苦中加一點甜！無錯！我哋聽日又嚟多一獲。今次唔係玩名，今次玩飛吻」。
顧客明日只需向店員展示飛吻一個，即可獲全單半價。有網民留言指：「我驚你哋怕醜喎，到時好似家朗咁：好尷尬喎！」
