畢業生返工返到睇精神科 但驚做唔夠一年辭職會整花CV 網民:整花CV好過正花自己條命

畢業生返工壓力大到睇精神科 但驚做唔夠一年辭職會整花CV 網民:整花CV好過整花自己條命

社會熱話

廣告

香港不少打工仔從小被教導,經常轉工「坐唔定」會令人有不好印象,因此很多人即使對工作有多不滿,都死捱死忍,忍夠一年才轉工,務求令履歷表不要「花」。日前,有畢業生於網上求助,指自己返工壓力大到要看精神科,卻擔心未做夠一年就辭職會「整花CV」,詢問網民如何是好。

撰文:經一編輯部| 圖片:奴工處Facebook、Unsplash

被排擠兼經常OT

近日,有網民以「FG返工未夠一年就辭職,係咪會搞到份CV好差?」為題,向Facebook專頁「奴工處」投稿,指自己剛剛大學畢業,工作未夠一年,但每日返工都過得好辛苦,不能成功「埋堆」,被排擠,人工低之餘還要經常OT。

樓主續指,近日壓力大到「日日頭痛肚痛,手震心跳加速」,甚至要看精神科及食藥才能入睡,覺得自己真的捱不住,但又擔心只把幾個月的工作經驗寫落履歷表會予人不穩定的感覺,詢問網民可以如何解釋,以及擔心是否真的會「整花CV」。

畢業生返工返到睇精神科 但驚做唔夠一年辭職會整花CV 網民:整花CV好過正花自己條命
(圖片來源:奴工處Facebook)

網民:壓力大個人壞咗好難整

帖文一出,網民紛紛留言,一面倒力勸樓主先顧好自己身體,珍惜生命:

「整花CV好過正花自己條命」

  • 「壓力大個人壞咗好難整㗎,如果只係擔心cv而冇其他concern就即走啦,咁後生怕乜,身體唔好老咗都係自己受,唔會有人賠返俾你,亦唔會有人可憐,要錫自己多啲」
  • 「為咗份CV犧牲自己精神健康喺好愚蠢嘅行為!!!~ 如果touch wood 搞到要睇精神科張CV幾靚都冇用!!!~」
  • 「身體最重要,第一份工只係成個career history嘅一小部份,為咗所謂整花CV,令自己嚴重抑鬰真係不必要」
畢業生返工返到睇精神科 但驚做唔夠一年辭職會整花CV 網民:整花CV好過正花自己條命
(圖片來源:奴工處Facebook)

網民:行出去你會發現自己好搶手

此外,亦有大量網民以自身經驗安撫樓主,指出其實若干年後回看,轉工不是大問題,有人更越轉越好:

  • 「唔好迷信cv太jumpy會搵唔到工, 我呢兩年轉左4份,人工 * 左2.x 倍,最重要你點解釋同demonstrate你嘅能力」
  • 「我做過十幾份工份份1-2年!大把人請,驚乜?如果驚就搵到先走」

「一開始我都以為太jumpy會好難搵工,但原來行到出去你會發現自己好搶手」

  • 「我覺得反而fg第一份工無乜顧慮喎,咪話仲搵緊方向囉」
  • 「大不了咪唔寫落CV,規定左一定要一字不漏架咩,就算有空窗期,都係任你吹之嘛… 況且咁大個疫情,乜都會出現啦…」
畢業生返工返到睇精神科 但驚做唔夠一年辭職會整花CV 網民:整花CV好過正花自己條命
(圖片來源:奴工處Facebook)