酒店

酒店員工爆「住客遺漏物品」 漏低神主牌都最誇張

社會熱話

廣告

大家旅行住酒店有沒有試過遺漏物品?最近,酒店員工在網上討論「住客遺漏物品」,原來遺漏充電器已經是小事,最誇張見過住客遺漏甚麼呢?

撰文:CY|圖片來源:Facebook群組「酒店Secret」、TVB@她她她的少女時代、淘寶|原文刊於:GOtrip

酒店員工大爆「住客遺漏物品」

最近有酒店員工在Facebook群組「酒店Secret」,以「最誇張聽過啲客漏左咩係房? 可唔可以執齊野先走」為題開Post討論,引起酒店同業瘋狂留言。

一開Post就引起好多酒店員工留言,似乎真係好多共鳴!(圖片來源:Facebook群組「酒店Secret」)
一開Post就引起好多酒店員工留言,似乎真係好多共鳴!(圖片來源:Facebook群組「酒店Secret」)
(圖片來源:Febrian Zakaria@Unsplash)
(圖片來源:Febrian Zakaria@Unsplash)

其中獵奇回應不在少數,有酒店員工爆料曾經見過房間有一大堆情趣用品,包括「一包全新嘅毛毛手扣、繩、皮鞭」,仲有「震震棒」,有部分全新包裝、拆都未拆,真係怕同客人講返會尷尬。

亦有酒店員工話見過「原隻MARY」,不過就並非「做CPR個種MARY」,實在一言難盡。(圖片來源:TVB@她她她的少女時代)
亦有酒店員工話見過「原隻MARY」,不過就並非「做CPR個種MARY」,實在一言難盡。(圖片來源:TVB@她她她的少女時代)

仲有酒店員工話見過有住客漏低女裝底褲。究竟有什麼值得驚奇?原來住客居然將底褲放在夾萬內,而且更未經清洗,原汁原味,實在好恐怖。當然不少得假牙、波鞋等等貼身衣物,連護照、警察委任證等證明文件亦有上榜,不過相對來講比較常見,相信大家都漏唔少。

最獵奇莫過於,居然有住客遺漏嬰兒。試過有「爸爸媽媽推住架無BB嘅BB車走」,甚至有印度人試過「去到機場先發現唔見咗個仔」,真係相當誇張!

其實漏低物品真係層出不窮。有住客漏低活生生的蛇及蜥蜴、魚缸,甚至神主牌和骨灰,真係相當大不敬!

漏低神主牌和骨灰未算大問題,不記得拿回來才大問題!(圖片來源:淘寶)
漏低神主牌和骨灰未算大問題,不記得拿回來才大問題!(圖片來源:淘寶)

亦有酒店員工詼諧粉飾悲劇,話試過見到有人「漏低咗個肉身,靈魂走咗,唔識返嚟攞,要call白車」,可謂去酒店最慘的遭遇。

資料來源:Facebook群組「酒店Secret」