獨生女瞞父母賣樓、舉家移民英國 家中兩老卻被遺棄：後悔當年貼錢幫佢買樓
廣告
樓價居高不下，為求子女有個安樂窩，不少「廿四孝父母」都甘願用積蓄貼錢資助子女首期置業。不過，有網民抱怨，父母早年用打工時儲下來的積蓄，全力資助女兒上車做業主，但該名獨生女最近決定瞞著父母賣樓，帶同仔女移民英國。得知女兒即將移民，父母即時聲淚俱下，但女兒去意已決，堅持要離開香港。
獨生女隱瞞移民計劃
樓主稱兩老為人善良，對女兒和孫兒都不薄，指老人家「好錫對孫」。公公婆婆每日湊完對孫返學，才急急腳返工，每次都會朝早買新鮮雞整雞脾一對孫食。亦沒有責怪女兒，從來沒有要求女兒照顧他們，只是傷心何以她話走就走。
加上樓主覺得這名獨生女取去父母積蓄帶仔女移民，一直就移民計劃隱瞞父母，臨到最後一秒先通知大家，而且「父母日喊夜喊都堅持要走」十分不孝。
移民英國享Dream life
樓主亦稱「知佢哋原因係預見香港會好恐怖，所以帶仔女去英國去過Dream life。但父母呢？」
現在獨生女說走就走，兩老頓時「真係人又冇，錢又冇！」，擔心將來無人照顧兩老。更令樓主不解的是，當同事傾訴此事時，同時皆表示理解女兒的行為。令樓主不禁感嘆，難道真是「仔女係寶，父母係草？天呀，我係連理解也理解唔到呀！」
樓主亦透露，現時兩位老人家開始後悔當年早年用積蓄助女兒買樓，互相指摘為何「要畀筆錢個女買樓。如果無筆錢，佢哋未必夠膽移民。」
網民：點解要一走了之
不少網民贊同樓主的觀點，認為女兒一走了之行為不孝，更大問題是女兒買樓移民，變相等同於領取父母積蓄去移民。
- 「佢哋有良心的話，應該移民前嘔返舊錢比父母過世啦！」
- 「攞埋父母積蓄去移民，阿爸阿媽身邊冇乜錢，咁仲唔叫不孝？」
- 「我都係，我生仔唔諗住養老，但話走就走，邊個唔傷心？仲有，走還走，點解要攞賣老人家的錢走？」
- 「如果係用自己錢去移民，我係覺得ok既，始終仔女大左條路都係佢哋自己。但係如果拎走父母既錢，我就唔會接受囉。」
斷送返港機會？
有網民亦相信世界有報應，認為獨生女如此拋棄父母後，自己的子女日後也不會懂得感恩，因此要「放長雙眼等睇佢仔女點對返佢」。
- 「我有個舊同事都係咁，掉低父母，仲話要係為仔女，等睇佢仔女點對返佢。」
- 「呢種人會同父母一樣遭遇的，佢d小朋友都會覺得攞父母着數一腳踢開佢哋無問題的。」
- 「反而我覺得斷咗佢仔第時返香港搵工機會。」
- 「我同事成日用照顧阿媽做藉口成日請假又將推俾工作同事做，成日遲交野。而家打算移民，我問佢咁伯母邊個照顧？佢話送入老人院。」
老人家有心理準備
不過亦有網民理解女兒希望盡快離開香港的想法，認為做自己想做的事並無不妥，並表示自己也有移民的念頭。不過亦覺得女兒在事件中可以處理得更好，及早通知父母，讓他們有心理準備。
- 「有時諗諗下，我自己都想豁出去離開香港，做自己鐘意做的事。」
- 「明白有人覺得有需要移民，但點解唔早少少通知，至少老人家有心理準備。」
圖片來源：政府新聞處、Unsplash@jack finnigan、Unsplash@sabrina mazzeo
