新入職即被下屬教訓 職場老海鮮訓斥上司：你太快完成⋯

新入職VS老海鮮

亞洲職場中，日韓講求論資排輩。香港就業市場以學歷和工作經驗為首要考慮次序。故此，一些管理層的位置，對象可能是名牌大學、世界排名前列的畢業生，或是曾在國際機構工作的經驗。

管理層帶領的下屬，有可能是一直在公司「默默耕耘」的老臣子； 有可能是開國功臣；又或者以為自己是「勞苦功高」。

稱被下屬欺凌

管理層與下屬擁有不同的背景，往往產生不同矛盾。有一名新入職的員工，在社交平台大訴苦水，聲稱被下屬欺壓。

樓主吐苦水說：初初入職明明係上司身份，個老XX下屬拎住本嘢同我講：

「你同事叫我話你知有乜不足，而家我教返你」豈料職場老海鮮愈踩愈深：

「你平時做嘢唔好做得咁快啊，老闆知你做得嘢，越畀越多你。」仿佛唔做嘢便是硬道理。

職場新上司心生不忿，自稱雖然經驗少，唔知算唔算被下屬欺壓緊？

網民反安慰：真係要夠老先領悟到

雖然樓主慘食受下屬氣，但仍月有網友勸勉樓主，認為老海鮮只是溫馨提示對方，並非心存敵意。

• 你可能發現佢講既都係真心既溫馨提示。
• 重點係：你同事叫我話你知！
• 佢潛台詞係 「唔好做咁快 接多左翻黎俾我地做」
• 咪住，佢口中嘅「你同事」係邊個先？如果係同你平級嘅要合作嘅人，件事可能無咁簡單，你可能真係瀨左野都唔知
• 唔想你甘快俾人炒所以先好言相勸ja, 打份工又唔洗下下甘階級制去諗人既。
• 今次撐老屎忽， 佢講嘅係智理明言，冇以為自己係上司就智慧高過人。
• 做人應該不恥下問，而你因為對方職位比你低而睇唔起對方嘅善心提醒，或者你有做上司嘅學歷，但完全無做人應有嘅虛心和做上司嘅能力。
• 似乎有人覺得你工作表現有問題，所以你都係專注工作先啦～如果人地教你既野對你有幫助，佢主動教你你都要多謝佢。因為果啲人唔係只背後笑你，篤你，甚至架空你，而係想教識你。
• 跟下屬關係好他們就是幫助你的人，不要以為是上司就高高在上，同事間要合作才順暢，他們認真工作，你踩屎機會都少啲呀～

Son姐張慧敏分析

關於職場老海鮮的題目，從事獵頭公司超過二十年，觀人於微。對於老油條，她曾在社交網站說：

「衰老闆、賤上司有，老海鮮、冗員一樣有，凡事總有代價，但記住我們都有選擇權。」

「四圍訴苦、四圍呻，大開中門地揭開底牌任人魚肉並宰割利用，是最搵自己笨的行為。我有一位讀者說得非常好：「那些日日話要搵工走的員工，偏偏日日最勤力返工。」

延伸閱讀：酌情批員工放1小時年假｜請假太多接警告信 事主圍爐取暖反被鬧累街坊

延伸閱讀：財務自由│35歲百萬富翁、提早退休靠4個習慣！記住呢個歲數係跳糟關鍵！