投資

仔仔三歲想開始投資 入香港電訊等佢20年後拎返 | 龔成信箱

投資

今日龔成信箱,不少讀者想為未來作打算,應如何實行投資計劃,亦提及熱門的股票以及投資心態等問題。

撰文:龔成 |圖片:網絡圖片

1. 香港電訊

創業

Hello,My son 3 yrs
Want to start some investment plan for him.
可以買什麼呢?
6823 打算買。

I have a Prudential fund
Monthly :$5000

供10年後,20-25年後可以拿返一定的錢。
他現在大概有7-80000$
除每年利是錢外都無乜特別收入

龔成老師:

佢地的投資其實是一個好長線的投資,所以可以有點增值力都得,你購買上述產品是其中一個方法。另外,坊間都好多基金可以買,只是要中度風險的,其實都適合。

另外,亦可以利用股票,平穩增值股是正確之選,盈富基金(2800)、金沙(1928)、長建(1038)、中銀(2388)、港鐵(0066)等,這都是穩健的股票,長線持有15年以上,佢自然會享受到這15年經濟增長、企業成長帶來的增值作用。(對照龔成信箱:Q4849)

2.投資組合體檢

老師,我有以下股票:

利邦 891 [email protected]
首創環境 3989 [email protected]
A50(2822)認購證(19343) [email protected]
港交所認購證 (19411)150000 @0.345

全部都輸了好多,我應該等反彈才全走嗎?

定係等到回家鄉呢?

龔成老師:

持有一隻股票與否,重點是質素及企業前景,買入價只是心理因素。

利邦(0891)的質素正不斷轉弱,見佢早幾年仲賺錢,之後不斷出面虧損,而管理層好似無乜方法。我相信佢中短期都唔會向好,至於長期方面,要睇管理層能否將生意情況改善,暫時睇只是一般般。這股如果有較大的反彈,賣出會較好。

首創環境(3989)從事廢物處理及廢物轉化能源業務:投資、工程項目、採購設備,並於中國一級城市從事廢物處理及廢物發電設施的運作及保養,主要以建造-營運-轉讓(BOT)基準運作,其特許期為25年至30年。

業務本質唔差,這行業在中國有潛力,但現時的估值不平,睇翻佢過住的盈利,只有幾千萬,較好景有一億多,就當佢能賺$1.5億,以現時$40億市值計,市盈率都達到27倍,唔平。這股雖然可以持有,但由於之前估值過高,相信要守一段時間。

至於另外兩隻輪,不評論。

因為我曾瘋狂投資窩輪,但在十幾年前發現根本就賺唔到錢,從此不再投資。窩輪特性是持有愈耐會愈貶值,所以根本是價值減少的項目。(對照龔成信箱:Q4841)

3.政府年金

你好龔sir, 想問一下政府年金的問題。為什麼多位財經名人大力支持?

據了解政府年金是先俾錢政府,比如是100萬,然後每月拿約5千多元利息至死。但這100萬是不能拿回的,即是不保本。

但相比我拿100萬做人民幣定存,雖然只得三厘息,除有利息收外,但最終我還是有100萬在戶口。咁點解要咁蠢去做政府年金,d名人又話係政府德政,好支持?吾知係咪我理解錯?請指教

龔成老師:

其實政府年金是一個防守性的工具,目的在於收取穩定的現金流。

投資$100萬,然後每月收到穩定現金流,這現金流包括了利息及部分的本金,直到死亡。如果夠長命,得到的利益會較多。

如果短命,其實都可取回餘下未取的部分本金,政府會有條公式計算,總之唔會要買的人蝕錢。即是如果太早死,政府唔會沒收左餘下部分,而是會有錢比翻後人的。(對照龔成信箱:Q4842)

4.月供體檢

成哥,我一直都有留意住你既post,但無用到月供形式
我25歲 都係最近先開股票戶口
最近買左幾隻賺唔少,
但買左中國人壽就蝕左3000到
最近見佢升番少少就放左

我戶口現有60,000
打算買3,4隻股票,定左個價買入:

1088 神華 20-21蚊入
2318平保 65-70蚊入
1038 63-64蚊入

這樣可行嗎?

龔成老師:

這3隻股票都是有質素的股票,可投資,而該價位都是合理價,如果見到可以買入的。

不過,你要改變買買賣賣的模式,轉成長線投資,好多人以為經常買賣最賺錢,但我用以在銀行、證券行工作過的經驗用你講,經常做買賣多的客,都是蝕的一群,而長期最賺錢的一群客,就是那些買入長線的客。

上述3隻股票,都值得長線持有的。(對照龔成信箱:Q4843)

5.宏利金融(0945)中信股份(0267)

你好,隻945好似金融股中抗跌能力較好,值唔值得月供?

另外,隻267好似沉寂左好耐,有冇機會回復以往強勢呢?

龔成老師:

宏利金融(0945)有質素的,有長遠的投資價值,不過現時的估值有點貴,用月供方法儲這股較好。

中信股份(0267)的質素只屬中等,雖然有規模,同時有多個業務,但發展卻唔見突出,近年生意更有下跌的情況出現。中短期都未見這股向好。(對照龔成信箱:Q4844)

6.SOHO中國(0410)

你好,410內房股中派息算高
你點睇?

龔成老師:

我對整個內房都有少少保留,不是認為無質素,而是存有風險。中國樓市興旺,帶動相關企業向好,近高年佢地的業績的確理想,但樓市開始有泡沫,若逆轉,對行業有影響。

加上不少內房的負債都好高,若有問題時,風險不少。

SOHO中國(0410)的負債算是合理,佢近年因為生意好,都派高息,但之後將穩定下來。內房中這股都算有投資價值的。(對照龔成信箱:Q4845)

7.金朝陽集團(0878)博富臨置業(225)安全貨倉(0237)

龔Sir 你好,878、225、237呢3隻值唔值長線持有?
因為見佢地資產淨值都十分高。

龔成老師:

資產淨值只是分析時,其中一個考慮因素,未必是投資關鍵,有些資產的變現能力好差,所以往往要分析內裡組成。而市場估值,往往會以「業務價值」同「資產價值」一同計算。

金朝陽集團(0878)資產淨值的確比市值高,這股正面的,但都要留意,佢資產中主要都是物業,而近年低息環境,物業的估值會因此而上升(這點市場都明白),因此,資產值在數字上會拉高,但市場會理性分析這事,因此你見市值比資產淨值低好多,就是這因素。

資產淨值只是會計上的數字,無實際現金流,反映收租、盈利等,有實際貢獻的,市場會較有信心,往往市場上在估值上,都會較重於這些數字。

博富臨置業(225)同安全貨倉(0237)都有類似情況,但略有風險。金朝陽會較好。(對照龔成信箱:Q4846)

8.進入熊市?

之前大跌市, 身邊的朋友全部拋售股票, 原先一d都唔驚的我, 開始有d驚, 因為我仲未放 … 我想睇下你意見, 真係進入熊市?多謝

龔成老師:

買入股票就是買入企業,只要企業的質素無變,根本無野好擔心,只要你買的是「優質股」就可以了。

你要關心的是企業,不是股價,不是其他人的睇法,唔好比心理因素影響。

股市上上落落好正常,之前升得多,自然會跌,不過,現時的估值的確不平,所以如果夠貨,持有就可以,不用再增持。當經濟向上,股市自然長期向上,但中短期一定會上落。(對照龔成信箱:Q4847)

9.高位已到?

成哥,你好! 之前我在某節目中聽到XX講今年恆指的高位已經到了。想請教你,你又點睇呢? Thanks a lot!!

龔成老師:

我不認為有人能預測到。

全球投資最勁、賺最多錢的人及基金經理,都唔會咁樣預測。佢地買股票就是買企業,買入後持有,不預期市況走勢,中短期走勢可以同企業無關,分析其實無用。

我只對憑投資賺大錢的人,佢地的方法有興趣。(對照龔成信箱:Q4848)

10.投資方向

你好龔成老師。追蹤你專頁已有一段時間,實在獲益不少。現有一些財務問題想請教你。

1. 本人母親於十年前月供保險公司的基金,期間一直沒有理會,只是按時供款。而2016年我們家剛做了按揭,買入一間公屋,共借款四十萬,年息二點幾厘,還款期十年。我用按揭計算機算過,總利息支出大約五萬多元。

機緣巧合下,2017年初我母親問了賣掉基金可拿回多少錢,因為想把樓贖回。但發覺該基金回報於十年間原來只得兩厘多回報,共可拿回十五萬。

至2017年末,我們再查詢時,合共可拿回二十五萬。 想請問龔成老師,我們應該賣掉基金,將資金轉移至較高回報的資產上? 如收息股及房託? 還是應該提早還款,節省利息支出?

2. 因本人有月供股票,假若想利用資金買入收息股,如領展,中電,因為上述股票一手價錢高,一次過買入風險高,我能否利用原來的月供戶口將買一手的資金平分至一年月供買入一手去降低風險?

龔成老師:

比較精明的理財方法,是善用資金,按揭利息2%,如果將錢還按揭,就可減少了2%利息支出;不過,若不還錢,將錢用作投資,例如收息股,但到了5%的股息,雖然要比2%息,但都會賺到3%息。

上述是較精明的做法,但前提是你有一定的投資知識,投資收息股都會有價格波動,利息都可變。對於你母親來說,可能未必想咁樣做,因為對佢有風險。

除非佢本身都有理財知識,否則,較穩健的做法,是賣掉基金還物業按揭,一了百了,對佢可能是最好的。

基金方面,其實以長期的角度計,該基金回報只算一般,我偏向賣掉基金套現。

問題是,賣掉後如何運用,就要睇你地的理財知識,同埋風險承受能力,投資收息股是可以的,但前提要明白運作,以及了解風險。

至於你個人方面,好多銀行都有月供股票,你問下就現時的銀行就得,一般都有的,你是適合做月供的,盈富(2800)或其他股都可以。能有效減少風險的。(對照龔成信箱:Q4850)

編按:龔成是於公屋長大的80後青年,畢業後於銀行從事投資相關工作,雖然月薪僅萬多元,但因為理財及投資有道,只花五年時間,於28歲已累積到100萬元資產,目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》,並出任創富課程導師。

facebook專頁:facebook.com/80shing

個人網站:80shing.skx io/

延伸閱讀:

90後有$9萬積蓄 想用$6萬投資錢搵錢

仔仔三歲想開始投資   入香港電訊等佢20年後拎返 | 龔成信箱

李嘉誠原來係科網股高手 買Facebook 雷蛇勁賺
賺錢,投資,理財 理財入門