富人思維

富人思維|唔飲凍飲狂儲錢買股 40歲連登仔呻害自己一生 網民:究竟買咩會輸

投資
會員內容

廣告

有人認為一個人有錢或窮多數是繼承自上一代甚至上幾代,亦有人認為有錢人與窮人之間的最大分別在於思考方法,多年前就有《富爸爸·窮爸爸》一書風靡全球,而近年本港連登討論區就經常出現「富人思維」一詞,不過不時都有人誤解了所謂富人思維的定義是靠炒賣賺錢。

特區護照申請/續期懶人包

孤身一人 買美股又損手

日前,有網民以「學X完富人思維害咗自己一生」為題在連登討論區發文,指「富人思維又話咩X野富人延遲消費享樂,我就延遲消費去投資,XX媽,自始少見朋友唔去玩,唔飲凍飲,之後朋友吃喝玩樂都唔預我,佢地過咗一段美好青春時光,溝女,扑野,去旅行,食好西,全身光鮮新手機,我就咸菜咁X樣。」

樓主續指,「十幾年大家都老了,當然朋友吃喝玩樂唔會太有錢,結婚嘅結婚,生仔嘅生仔,個個成家立屋。」

「但個問題係我都唔見有錢,亦因為無打扮無社交無溝女無朋友,到而家孤身一人,最後買美股又損手,青春,做過了甚麼。」

樓主的結論是,「最後發現人生應該駛就要駛,要開心時就去開心,青春無左就無左,努力唔等於會有錢過人。」

儲錢買股 富人思維
(圖片來源:[email protected]

多人二三十萬又有咩用

貼文一出,原本有少量網民認同樓主,認為應該及時行樂,並指有沒有錢以及際遇是整定,「富人思維係俾富人跟。」

但有網民就質疑為何樓主沒有出去玩但都仍然無錢:「同朋友保持關係其實幾緊要,但點解唔去玩都無錢?」

樓主受到質疑後才補充重點:「因為炒美股輸少少,有錢都唔會多人地幾多,可能多人二三十萬又有咩用。」

樓主誤解了「富人思維」

樓主解釋完為何用了「富人思維」仍然無錢之後,網民意見傾向一面倒認為樓主誤解了「富人思維」的意思:

  • 「富人思維係用錢買時間,時間(大過)錢,後生借盡博盡,你學左d乜X野黎。」
  • 「因為人哋係累積資產,(之後)資產產生金錢,而你就誤會咗買賣資產就可以產生金錢。」
  • 「你連窮爸爸都唔係,只係一個傻XX嘅病態賭徒。」

對此,樓主反駁指:「你點知邊d資產最後會產生金錢,我都知要買會升嘅股票。」

有網民就教精樓主:

  • 「你一日抱持住要買股票升咗再賣出賺錢呢個心態,一日都係窮人。」
  • 「呢個咪富人同窮人嘅分別,佢哋就係知邊啲嘢將會值錢,然後又夠膽買。」

另外亦有網民質疑為何樓主10多年前已經開始儲錢買股票但仍然可以輸:

  • 「你話你呢十幾年慳錢去投資,2010納指2000點,而家跌極都12600,你買哂D咩股可以輸?。」
  • 「你唔係話買咗十幾年?騰訊十年前咩價呀?拆過股添喎,你究竟買咩會輸。」

動盪新常態 蔡金強:投資要重返宏觀切入 美股長遠大贏家

立即瀏覽 蔡金強專訪

美股曾帶挈不少香港散戶在疫後時期身家暴漲,但今年也許使更多人打回原形,甚至輸凸。「美股只升不跌」的一時神話,被粉碎得星塵也不剩。奧陸資本總裁蔡金強點出散戶弊病,是習慣了不正常的長期和平且繁榮的年代,忘記了經濟與股市本來的規律就是不時動盪,現時做投資要摒棄從企業個體出發,轉為政經大格局切入,他挑出三大心水板塊分析抗跌股票,且待「小金人」娓娓道來。

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:[email protected]