餐廳

餐廳常見「慳皮」罪名 網民斥食餐飯逐樣計錢:手機落單仲收加一服務費!

投資

廣告

香港飲食業經營成本越來越高,不少餐廳老闆都無奈要千方百計節省經營開支,難免亦影響了顧客的用餐體驗。有網民發現,香港越來越多餐廳選擇不再餐桌上提供紙巾,不禁感嘆:「今時今日咁嘅服務態度點得㗎!」

餐廳
(圖片來源:政府新聞處)

食辣嘢餐廳唔畀紙巾、凍水

該名網民在討論區分享自己,於某餐廳用餐後,始發現無紙巾抹嘴的尷尬經歷:

  • 「今日去咗間茶餐廳食飯,無提供紙巾,我問個侍應,佢話餐廳唔再提供紙巾。你班衰人食完飯係咪唔洗抺嘴架?點解可以唔畀紙巾架,執咗佢啦。唔畀紙巾嘅餐廳,見一間block一間,以後唔再食!」

不少網民隨即和議,亦反映不只是茶餐廳、小店拒絕提供免費紙巾,一些大型連鎖餐廳亦早已賣包裝紙巾取代提供免費紙巾,嗜辣者更加狼狽:「食辣野好興唔畀紙要你買紙,要水就一定係熱、無凍,餐廳唔畀紙巾抹咀。個幾蚊紙巾都度縮,下次真係唔會再入。」

亦有網民分享自己在餐廳無紙巾用的奇遇。

  • 「我問完個侍應,佢話公司唔提供,我問佢咁我食完野成嘴污糟點算?佢之後好似可憐我咁喺吧枱拎咗兩張畀我。」

不過,有網民亦爲無提供紙巾的餐廳辯護,認為加錢買紙巾亦算是「明買明賣」,以往可能有顧客貪小便宜,餐廳才收起紙巾不讓食客「任拎」。

  • 「你係買包Tempo畀自己用,有咩問題?又唔係用一包價錢買一張紙巾,就算茶記都未必間間有紙巾你用啦。」
  • 「以前連鎖快餐店紙巾都係自己攞,後來太多人一疊一疊拎就無得自己攞。」
  • 「仲有d老人家真係好鍾意貪呢d 小便宜,細個聽老豆講個朋友去酒樓最鍾意拎人成卷紙走自己用,個時係90年代。」
  • 「我都覺得無紙巾嘅餐廳,一張都唔畀或者要畀錢嘅好衰,但有時諗下人嘅質素、又可能真係無計。」
餐廳
(圖片來源:政府新聞處)

餐廳無提供服務照收加一

紙巾可以自備,但加一服務費避無可避。有網民指出,相比起餐廳不提供紙巾。餐廳在無太多服務的情況下,仍要堅持收取10%的加一服務費就更不合理。有意見直言,加一服務費唯一用途,就係故意誤導消費者誤以為食物價錢較想像中低!

  • 「手機落單,都要收加一服務費?」
  • 「加一服務費是否屬於不良營商手法?D垃圾餐廳,冇服務可言都夠膽死加一。」
  • 「香港好多餐廳都要收加一服務費,點解唔直接加落食物本身個價錢上面,要額外經過計算先得知實際要畀幾錢?」
餐廳
(圖片來源:政府新聞處)
  • 「餐牌寫100蚊,正常人睇到都係覺得付出一百蚊,但實際就要畀110蚊,咁都唔算不良營商手法?」
  • 「日本買嘢有銷售稅,都要標哂稅前稅後價錢,點解香港餐廳『老奉』屈多你10%,而唔夠膽加係會餐牌標價?」

買外賣筷子加一蚊

近期,亦有連鎖壽司店宣布7月1日起不再提供免費一次性筷子,顧客外賣壽司時,需要加錢才提供木筷子,此舉亦被食客質疑是否以環保為名,Cut cost為實。

  • 「到自備櫈和枱時,我再幫趁,到時通知我。」
  • 「咁支持環保直頭唔好搞外帶生意丫嘛,一日用幾多膠盒。」

餐牌都冇點食飯?

不過,最令人感到失望的,不止是餐廳千方百計降低經營成本,更是餐廳縮數後嚴重影響食客的用餐體驗。

  • 「有D餐廳慳到連餐牌都冇,話係個mon到,勁耐先轉咗去午餐,睇都未睇完 又轉咗去下午茶,印張紙過膠唔想畀。」
餐廳
(圖片來源:政府新聞處)

7成食肆需動用借款、積蓄經營

事實上,近年香港飲食業亦面對疫情等種種難關。香港大學7月調查發現,發現近九成受訪飲食業中小企,疫情期間多主要面對翻桌率減少、客人大幅減少導致收入下降。

當中七成的食肆需以借款、動用積蓄等來維持經營,僅三成受訪食肆指業主願意減租。

首兩季食肆收益均不如去年

根據政府8月最新公佈的數據顯示,香港首兩季食肆收益均不如去年。按食肆類別分析,2022年第二季與2021第二季比較,中式餐館的總收益以價值計及數量計分別下跌7.4%及10.5%。非中式餐館的總收益以價值計及數量計分別下跌5.8%及9.1%。

快餐店的總收益以價值計及數量計分別下跌2.4%及5.4%。酒吧的總收益以價值計及數量計分別下跌14.9%及17.0%。至於雜類飲食場所,其總收益以價值計及數量計則分別下跌2.8%及6.0%。2022年上半年與2021同期比較,食肆總收益以價值計及數量計分別下跌13.6%及16.4%。

展望未來,政府指即將發放的第二輪消費券將有助支持消費需求。然而,往後的食肆業務亦將視乎本地疫情發展,以及金融狀況收緊對市民消費能力和氣氛的影響。社會各界仍須與政府齊心合力,令本地疫情維持受控。

食肆總收益 2022年第1季 2022年第2季
食肆收益 (百萬港元) 15166.4 22025.3
食肆收益價值指數 (按年變動百分率) -23.1 -5.5
食肆收益數量指數 (按年變動百分率) -25.4 -8.6

立即加入經一Patreon共肥計劃

限時尊享85折! 全年訂閱慳更多

全新訂閱計劃內容將全面升級!尤其美股當炒、加密貨幣新興起,經濟一週特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:政府新聞處、[email protected]開片Open Video