一手市場百花齊放 大埔屯門新盤開心價突圍 | 香港樓市2019

【新盤】踏入新一年,樓市氣氛亦有從谷底回升之勢,二手交投回勇,加息速度亦大有機會放緩,種種利好因素,或成短期推動樓市的催化劑。

撰文:Smart ED編輯部 |  圖片:新傳媒資料室

就筆者觀察所見,不少發展商不甘後人,趁樓市有所回勇,即以快打慢,加速推盤,當中不乏一些「開心價」,務求在短期內盡速搶盡客源。 隨著樓市略見回暖,新盤紛紛列陣登場。

美聯物業房地產數據及研究中心綜合地政總署資料顯示,2018年全年新申請預售樓花單位共有19,403伙,較2017年15,940伙高出約21.7%,並創自2002年後的十六年新高(見圖一)。

獲批預售樓花方面,2018年全年計共21,722個單位,較2017年高出約32.4%,並與新申請單位齊創自2002年後約16年新高(見圖二)。

【新盤】減辣只屬美麗誤會

事實上,最近一眾發展商以「筍價」加快推盤是不難理解的。

第一,近期一手市場「百花齊放」,供應接踵而來,而且經濟前景陰晴未定,倘若發展商僅以市價推售,相信難以引起買家興趣;而且面對市場積聚的盤源,不如以較吸引的折讓價吸引買家,一鼓作氣盡快去貨,令資金「回籠」方為上策。

第二,最近無論是大埔或屯門區的新盤,均是以上車客群為主打,因此以低價出擊冀突圍而出,不無道理,亦符合目前「買家市」、「用家市」的客觀環境。

筆者認為,目前樓市正處於「價緩跌、量微升」的狀況,而且購買力根本並未消失,相信只要發展商願意繼續沿用審慎取態開價,銷情應該不會有大問題。

最後,地產業界近日不斷呼籲政府放寬辣招,但特首林鄭月娥再明確表示要「極度審慎」考慮減辣,清晰表明現未有即時計劃放寬按揭成數,相信樓市「減辣」、「扶助置業」只是一場美麗的誤會。

對於一些「有能力供樓,但儲不到首期」的市民而言,這個消息可能會令他們感到失望。

筆者則期望,政府可於適當時候,從速落實「減辣」或制定「減辣」時間表,並堅持增加樓市供應,堅定地協助市民置業,圓上車夢,重啟樓市換樓鏈,令樓市恢復供求的正軌。

延伸閱讀:老闆不會教你買樓投資 氣氛差才是入市時機

專欄】究竟而家應唔應該買樓?!最近Anthony Sir與朋友聊天,友人提到老闆對樓市的看法,指現時不是買樓投資的時機。

撰文:1%Anthony | 圖片:新傳媒資料室

朋友: 而家唔好買樓呀!
筆者: 點解呢?
朋友: 我老闆話架,經濟前景不明朗,風險會比較高。
筆者: 咁佢有咩建議?
朋友: 佢話…若有能力,自住應該買,投資炒賣就唔好。

筆者: 你同老闆Friend唔Friend?
朋友: 一般啦~~
筆者: 唔怪得啦!
朋友: 你唔係咁睇?
筆者: 梗係唔係啦!入緊貨啦~~
朋友: 你唔驚咩?經濟唔明朗喎!

筆者: 就係唔明朗先有筍嘢執嘛,明朗就唔會劈價啦!
朋友: 又係喎……

而家應唔應該買樓?

好多朋友都想問:「而家應唔應該買樓?」

不同的人,有不同答案!

如果問你問地產代理,通常會說:「梗係應該買啦!而家唔買,遲啲個市升番,買唔到呢啲價!」

最好跟佢抽新樓添啦,哈哈!

如果你問姨媽姑姐,通常會說:「而家跌緊喎!嚟緊可能仲會跌多幾成架,睇定啲先啦!」

但係佢哋自己就未必有買樓經驗!

如果問老闆、前輩,通常會說:「經濟前景唔明朗,如果有能力,自住樓可以買,投資炒賣就唔好啦!」

唔熟我都會咁答,哈哈!

唔少投資者都密密出手

如果熟嘅,當然就唔係咁講!

其實市場上有唔少投資者,最近都密密出擊,悄悄出手,包括筆者與及學員們,都能以低兩、三成的價錢,買到筍盤。

街外人問起,當然會話前景不明朗,風險高啦!

從投資者角度看…

首先,筍盤有限,個個出去爭,自己咪買唔到!

俾你係業主見到咁多人睇樓,你都反價啦!

其次,俾投資意見,很大責任的!

尤其是對方如果係投資新手,責任更大,所謂…如果有足夠能力,自住唔怕買,投資就唔好…

因為自住的用家,不太在乎樓價升跌,就算跌咗,自住嘛、長線持有嘛,都唔會炸型,叫人投資,輸咗點算?!

從老闆、前輩角度看…

首先,佢自己都未必識!其次,就算識,點解要教你呢?

你投資賺到錢,風生水起,對佢有咩好處呢?

如果個個都識得投資賺錢,如果個個都可以好似筆者早期的學員,個個都有幾層樓收租,坐擁千萬資產,還有誰會為他出外打拼呢?

對老闆來說,最理想的情況是買自住樓,若收入提升,就再換間大啲、靚啲嘅自住樓!

永遠都是自住、自住、自住,人生就不斷供樓、供樓、供樓⋯⋯

沒有現金流,因為物業自住不出租;沒有資本增值;

因為物業不會出售,為了供樓每個月就得努力工作,不敢怨言…

教育是培養聽話的打工仔

傳統以來,教育就是要培養聽聽話話的打工仔…

多年前拜讀《富爸爸窮爸爸》就明白到,傳統的教育都沒有教理財知識。

因為社會要培養的不是資本家,而是乖乖的為資本家打工的小市民。

要突破框框,就要靠自己領悟、進修、實踐。

氣氛差是入市時機?

有經驗的投資者,都喜歡在氣氛差的時候出手!

市況淡靜,成交疏落,業主放極都賣唔到,個個睇完都唔還價。

在這種情況下,才有議價空間,才可以劈價。

今次這一浪,其實是一個好機會,上次跌市是2015年底到2016年初,已經是3年前了!

錯過今次機會,可能又要再等3年!

如果你問我:「而家應唔應該買樓?」

問心講:「跌咗咁多唔買,唔通等佢升返上去先買咩?!」

甚至是:「有能力的,不妨買來投資,自住就未必是時候。」

點解相反?!

因為投資的話,你可以靈活控制,資金充足的話,你可以買多啲、買大啲;資金不足就買細啲、買平啲。

自住的話,需要的面積可能要比較大,質素要比較高。

今年會有很多新盤陸續登場,普遍策略都是低開,反而可以睇定啲再作決定,二手唔啱就揀新樓。