日出康城驚現200萬「蝕本貨」 網民極度自卑:畀公屋仔笑我住垃圾崗!

樓市

第五波疫情大爆發,政府隨即收緊防疫措施,同時打擊買賣氣氛,不少業主主動減價吸客。代理表示,新盤供應重鎮的康城站,本月暫錄得2宗二手成交,個別轉售更屬蝕讓個案。

日出康城晉海蝕賣換樓客

日出康城再現蝕讓成交,據知,有晉海業主於2018年買入3房單位後,物業未扣除半年發展高回贈,在4年內已大幅貶值近12%,同時,區內其他期數屋苑亦錄得減價成交。

美聯物業林振聲表示,換樓需求釋放,有用家見日出康城晉海有「筍盤」放售,即時承接換樓,成交價1,080萬元。

上述成交單位為晉海3B座中層B室,實用面積629方呎,佈局企理,景觀開揚,望海景,由於價錢吸引,加上政府放寬按揭上限,獲同區客即時落訂承接,成交價1,080萬元,折合實用呎價約17,170元。

資料顯示,原業主於2018年5月以約1,221.55萬元購得,是次轉手屬蝕讓離場。

據報,晉海對上一宗蝕讓來自去年7月,單位類型同屬實呎629平方呎的3房戶,當時成交價為1,138萬元,實用呎價約18,092元,較原業主2018年中1,116.3萬買入價相比,帳面升值21.7萬,但扣除釐印費等使費,仍屬明賺實蝕。

(圖片來源:政府新聞處)

領凱SSD期滿減近40萬

另一方面,香港置業黃晟晉表示,該行日前促成一宗位於日出康城領凱買賣成交,外區客以約1,040.8萬元入市3房戶連士多房單位,實用呎價約14,316元。

售出單位為日出康城領凱9座高層LD室,實用面積約727平方呎,建築面積約965平方呎,為3房連士多房間隔,向東南望山景。

代理指,原業主開價約1,080萬元,經雙方議價後,減約39.2萬元以約1,040.8萬元承接單位,折合實用呎價約14,316元,建築呎價約10,785元。新買家心儀上址位於高層,享開揚景色,故睇樓3次後故拍板入市。

資料顯示,原業主於2019年2月以約780萬元購入上述單位,持貨3年SSD期滿鬆綁即沽售,是次轉手帳面賺260.8離場,升值約33%。

(圖片來源:政府新聞處)

網民:住日出康城畀公屋仔笑

日出康城作為近年新盤供應重鎮,吸引不少將軍澳分支家庭及區外換樓客進駐,不過眼見個別於3、4件前入市的單位終告蝕讓收場,有網民在網上討論區發文,表示自己即使住日出康城新樓,但仍被公屋朋友淪為「笑柄」。

樓主表示,住公屋的朋友指自己「住堆填區同垃圾一齊住,日出康城同垃圾冇分別」,另一缺點是港鐵大約10分鐘才有一班車。

其公屋朋友認為,日出康城唔同公屋,「冇房兄弟姊妹關係好」,住公屋又可以長時間打開門,而且街坊容易相處,最重要是租金比日出康城平一大截:「唔使錢就可以住啟德。」

即使樓主重申:「我層樓成千萬㗎!」無奈仍被公屋朋友「指住嚟笑」,直言自己感到非常自卑。

(圖片來源:政府新聞處)

有網民贊同公屋朋友所言,又以長沙灣公屋作例子:「長沙灣站上面啲公屋真係完勝康城,四通八達,市區食飯購物方便又平租,唔會聞到垃圾味。」

相反,有網民到訪過日出康城,認為該區無想像中惡劣:「我成日去康城,唔覺有咩問題,地鐵開咗商場出口之後方便咗好多,繁忙時間都係六分鐘一班,唔算好過份呀。」

  • 「你(樓主)的確住喺垃圾崗上面喎」、
  • 「如果係要供嘅話,抵你畀人笑。」
  • 「公屋係政府親生仔,地點一定係比最好嘅佢」
  • 「日出康城不知幾靚,就係有少少臭。」
  • 「上次係調景嶺等車去坑口,有個阿叔講呢架車去堆填區。」
  • 「公屋風水其實仲好過唔少市區私樓!」
  • 「居屋公屋不嬲都係人生贏家,人哋幾千蚊一個月住成世。」

延伸閱讀:莊思明納米樓減租12%求客 楊明燉湯店月蝕「7位數」:4間分店停業兼裁員!

延伸閱讀:匯璽成交蝕讓:3年半破紀錄慘蝕970萬:仲有一間未甩手!

閱讀全文 兩種選擇:

1.經一訂閱計劃(揭頁版):

每星期只花少於一杯咖啡價錢,閱覽獨家封面故事及逾35個專欄,任你睇!
 經一-電子週刊-訂閱

*只適用於手機iOS。Android及iPad版本正在開發中,我們會盡快推出。

2.經一共肥計劃(Patreon訂閱號):

錢,一個人搵唔晒,咁不如一齊搵啦!共肥不自肥,賺錢預埋你,現有早鳥優惠,每月10美元,早訂早享受﹗
 經一-共肥計劃-共肥不自肥-Patreon

圖片來源:政府新聞處、經一編輯部