業主遇無品睇樓客彈足1個鐘 入屋無洗手兼擅自開全屋水龍頭、逐隻櫃門打開檢查 網民:應設睇樓費

業主遇無品睇樓客彈足1個鐘 入屋無洗手兼擅自開全屋水龍頭、逐隻櫃門打開檢查 網民:應設睇樓費

業主賣樓放盤,好買家可遇不可求。近日,有網民於討論區內大呻單位放盤,卻遇到無品的睇樓客,對方不但對單位「彈足1個鐘」,又擅自打開屋主的水喉、櫃檢查等,做出一系列無品行徑,令該網民大呼「真係好惡頂」。

撰文:經一編輯部  | 圖片:Unsplash、中新社

賣樓遇「無品」睇樓客 對單位「彈足1個鐘」

日前,有屋主於香港討論區以「遇到西客嚟睇樓」為題開post,大呻遇到無品睇樓客,屋主更列出該無品客3大令人無法接受的行為:

  • 「聽到水聲,原來個客開晒全屋啲水龍頭!佢家姐走去浴室企缸開熱水爐、開花灑,淋濕衫籃啲污糟衫。」
  • 「逐隻櫃門打開。」
  • 「門、窗畀佢開過晒。佢要開窗、開櫃門係ok,但無問過我。係都我開啦。𠵱家疫情嚴重,佢又無洗手!」

除了未經屋主同意,擅自打開櫃門、水喉、窗等,那位無品客更將他的單位「彈足1個鐘」,數出5大缺點。

  1. 「話我新界地契沒有港島99年」
  2. 「剛做完大維修,佢話20多年後又要畀多一筆」
  3. 「話間屋無好似公屋伸出去嘅欄杵掠衫」
  4. 「要隔離左右街坊好」
  5. 「同層無人有神枱拜神」

該屋主除了列出睇樓客無品的行為,更形容「佢無心買就唔好嚟將我屋企反轉」。屋主指,疫情嚴重,而該睇樓客入屋前沒有洗手消毒便擅自碰觸櫃門、浴室花灑等,待他離開後,足足花了整個下午將屋企消毒。

業主遇無品睇樓客 擅將櫃門逐隻打開檢查兼「彈足1個鐘」網民罵:畀我第一時間趕走佢
網民表示,該睇樓客擅自打開浴室企缸的熱水爐、花灑,淋濕衫籃內的衣物。(圖片:Unsplash)

網民:應立即加價10萬

屋主貼文一出,不少網民對他的遭遇表示同情,大罵該睇樓客的行為無品。

  • 「連基本對人既尊重都無..樓主應該照畀佢睇,睇一次嗌高多10萬!」
  • 「做人基本禮貌都要有,問聲屋主『唔該我可唔可以』…之後當面彈三彈四,完全下流X格行為,有品嘅都走咗之後話知你講乜,畀我就即刻唔該你走啦,因為呢啲通常『混吉』。」
  • 「呢個係互相尊重問題。你識唔識禮貌,問准主人一聲好難咩?彈東彈西係壓價策略,呢樣我就唔怪佢。」
  • 「幾多錢都唔賣啦!點知佢有無新冠肺炎㗎?佢自己都唔知啦!樓主為錢真係命都唔要?」

又有網民表示,換成自己遇到相同情況,會第一時間將該無品客趕走。

  • 「遇到呢啲人其實真係唔需要畀面。佢做得出這些不尊重業主的行為,你就應該立即趕走個瘟神,是但搵個藉口趕佢走。」
  • 「畀我第一時間趕走佢啦!」
業主遇無品睇樓客 擅將櫃門逐隻打開檢查兼「彈足1個鐘」網民罵:畀我第一時間趕走佢
有網民直言,會直接將該睇樓客趕走。(圖片:Unpslash)

買二手樓前驗樓屬正常?網民:你去shopping都會搞吓人地啲貨!

雖然大部分網民同情屋主的遭遇,有網民卻認為買二手樓前驗樓屬正常,不明屋主為何反應大。

  • 「咁都叫西客?唔通要個客唔睇樓唔講價,一個電話就話買,然後馬上去律師樓畀票簽名?唔係話無呢啲客,遇唔到係你運氣唔夠。」
  • 「其實你去公司shopping,你都搞吓人哋啲貨啦,你係咪搞過就會買咗佢先?咁啲售貨員出Post話你係西客,你受唔受先?」

不過,樓主回覆表示,他不介意買家將單位檢查清楚,惟介意對方在沒有問過樓主的情況下,將單位「反轉」。

業主遇無品睇樓客 擅將櫃門逐隻打開檢查兼「彈足1個鐘」網民罵:畀我第一時間趕走佢
有網民認為,買二手樓前驗樓十分正常。(圖片:中新社)

網民建議下次應即場阻止 可設睇樓費、清潔費

看到屋主的貼文後,亦有網民分享過往賣樓的經驗,提醒屋主遇到無品客可如何應對,包括應當場阻止無品客的行徑。

  • 「你應該現場即時指出,𠵱家先喺網上呻有咩用?」
  • 「如果唔係急住賣,我會即刻叫停佢,唔滿意就返去考慮下啦。感覺唔舒服就要講『唔好!停!』」
  • 「其實業主有責任,應該即時出聲,喺業主在場下一齊驗…擅自開埋櫃門點解唔出聲?唔使惡㗎,當場問 agent、買家,唔見咗珠寶手飾邊個負責?」

又有網民認為可以設睇樓費,隔絕這類無品客人。

  • 「香港人素質越來越差係常識吧,睇樓遲到,遲到唔預先講聲,見到面唔打招呼,有啲黑口黑面,醒目業主𠵱個時侯應該睇樓收取500元清潔費,這樣可以隔絕『混吉』買家,費事買賣不成中招就唔好啦!賣樓都係求一枱實客,價錢適合幾枱客就能成交!記住業主係大哥,只要價錢適合唔使擔心自己件貨賣唔出!」
  • 「每次睇樓收500蚊,我覺得就可以踢走一班無誠意嘅人。」

關鍵詞
樓市點睇