40年市區居屋死症!業主移民平賣550萬難甩手 網民:問題係果浸「老人除」!

樓市

第五波疫情在社區爆發,令二手買賣氣氛急轉直下,不少急於沽貨的業主唯有主動減價吸客,連上車市場亦不能倖免。近日在網上討論區有業主開Post求助,大呻所持有的市區舊居屋遲遲賣唔出,即使叫價550萬一直無人睇樓,對此表示不惑。

(圖片來源:連登討論區截圖)

麗晶花園550萬無人睇樓

日前,在網上討論區有居屋業主發文,表示自己持有九龍灣居屋麗晶花園單位,由於自己準備移民,近日將單位放盤套現。不過,樓主表示,該單位位處中層,開價550萬,但一直「無人睇」,於是向網民求救尋找「死因」。

有網民認為,麗晶花園所屬位置「兩頭唔到岸」,屋苑介乎九龍灣、啟德和彩虹交間,步行到最近的彩虹地鐵站都要花10分鐘,又要途經多條行人隧道,上斜落斜非一般人所能應付。

「麗晶真係幾灰,十幾年前試過夜晚坐巴士瞓著咗坐過龍,喺入面落車要行十幾分鐘先行返出大路搵的士。」

(圖片來源:政府新聞處)

區內公屋群兼人口老化

有人反問樓主,麗晶花園高層叫價一般在550萬水平,如何自己的中層單位叫價可以媲美高層,直接建議樓主將放盤減至500萬才可能有人承接。

更有網民直指麗晶花園樓齡大,接近40年歷史,商場殘舊不堪。而且周圍都是新舊公屋全方位夾擊,舊有彩虹邨和坪石邨,鄗者則是啟晴邨和啟朗邨,令麗晶花園隱約散發出一陣陣「老人除」,身價自己大打折扣。

「鄰居好多都住咗好多年,年紀都開始老化,即係成區都係陣老人除。」

翻查資料,麗晶花園由房委會和瑞安集團合作發展,自1985年4月入伙,全個屋苑合共22座大廈,提供約5,904個單位。

根據中原地產網站數據,麗晶花園去年12月,二手成交量為13宗,成交實用呎價平均為每呎13,301元,按年微升0.07%。目前該行網站約有40個放售盤,叫價介乎480萬至800萬元,放盤呎價約11,794至15,725元;放盤叫租則為13,200至15,500元。

(圖片來源:政府新聞處)

40年樓齡按揭疑慮

話雖如此,有街坊則力撐麗晶花園樓齡並非原罪,原因是麗晶花園鄰近太子道東,巴士、小巴選擇多,而且「同彩虹站都唔係差好遠,邊到都去到」,應該不至於被噪到一文不值,只是市場氣氛欠佳影響所致。

有網民關心麗晶花園40年樓齡承造按揭問題,並傳授吸客心法予樓主,建議將放盤「加價10%,啲人會覺得奇怪,然後仆上嚟睇樓」,又或者將用銀行估價乘以9折重新放售,可以有助吸客。

網民:抽新居屋仲好啦!

  • 拎住5至6球我點解唔睇淘大/德寶?
  • 宏光樓、嘉和園都好過麗晶
  • 唔值個價咪無人睇!
  • 麗晶,我只會諗起麗晶大賓館!
  • 知你移民盤應該直接9折起跳還價
  • 係咪因為太舊無人要?
  • 500萬中層可以考慮,高層先叫緊550萬
  • 40年樓齡點做按揭?
  • 賣唔出好正常,抽新居屋好過啦

延伸閱讀:啟德新樓「公屋圍城」、CBD被消失 網民溢價買貴樓力數4宗罪:成個啟德都吹大咗!

延伸閱讀:日出康城租售一面倒80:3 跨灣大橋「未通車,先搶租」 近400鎖匙租盤等客到!

閱讀全文 兩種選擇:

1.經一訂閱計劃(揭頁版):

每星期只花少於一杯咖啡價錢,閱覽獨家封面故事及逾35個專欄,任你睇!
 經一-電子週刊-訂閱 *只適用於手機iOS。Android及iPad版本正在開發中,我們會盡快推出。

2.經一共肥計劃(Patreon訂閱號):

錢,一個人搵唔晒,咁不如一齊搵啦!共肥不自肥,賺錢預埋你,現有早鳥優惠,每月10美元,早訂早享受﹗
 經一-共肥計劃-共肥不自肥-Patreon

圖片來源:連登討論區截圖、政府新聞處