【土地問題】人肉霸咪錶再現 網民:冇理由阻住演員扮車

【土地問題】人肉霸咪錶再現 網民:冇理由阻住演員扮車

香港土地問題嚴重,咪錶位不足問題存在多年,大家唯有以先到先得方式找車位,但見到車位沒有車停泊,也不代表有機會停泊自己的座駕!
有駕駛者昨駛經九龍塘金城道準備找車位泊車時,發現竟有一名女子站在馬路上一個車位,疑似在為私家車霸位。該網民在Facebook群組「小心駕駛(討論別人駕駛態度)」發帖,笑言「唔知佢有冇入錶企喺度。雖然我都喺度等緊車位,但係我都冇理由阻住一位演員排演扮架車。」

有網民見狀批評,「人肉霸車位,真係要厚顏無恥先做得到」,亦有人狠斥「揸得車就預左要揾車位泊架啦…要個女人做呢啲咁失禮無面無自尊行為,我就唔會做,有就泊,無就等/走/兜圈揾」。亦有人提到站在馬路霸位「又熱又曬」,更甚有機會被其他駕駛者指摘,「條仔就慢慢揸架車嚟」。
有人就回應樓主指該女子的排演,戲稱「肢體表達方面,我感覺到佢有啲無奈。」另外有網民留言獻計,建議原樓主「人哋扮車,你可以扮壞車。停喺佢前面開頭冚,反正你都係(喺)到等緊位。」雖然一車位難求,但市民都不應站在車位上,阻礙其他人使用該泊位,而本身站在馬路上也有危險,大家千萬不要因一個車位而冒險!

資料來源:AM730

關鍵詞
網民熱話