「極品新娘」奇招要求同事畀人情 收完禮繼續追數 網民:要幾厚面皮先做到?

「極品新娘」奇招要求全部同事畀人情 結完婚繼續向上司追禮金 公開同事送禮銀碼

熱話

廣告

收到「紅色炸彈」,就算未能出席婚宴,正所謂「人唔到禮到」,不少人都會送禮、畀人情,祝賀一對新人。不過,日前有網民卻指遇到「極品新娘」出盡法寶「R人情」,無論是派帖後、結婚前夕,甚至是婚禮結束,該位新娘亦用盡方法收人情,令該網民大感不滿。

撰文:經一編輯部 |圖片:公務員secrets、Unsplash

「極品新娘」追人情 連婚禮結束後都唔放過?

日前,有網民於Facebook專頁公務員secrets發文,投訴遇到「極品新娘」。該網民表示,那位新娘在無問過公司同事會否出席酒席的情況下,向全公司同事派帖,甚至連入職不足一個月的同事亦不放過。

派帖後,該新娘便會私訊同事,問會否出席婚禮,若對方無法出席,她便會提醒對方「畀人情」。就算同事夾份送結婚禮物,「極品新娘」不但查禮物價錢,甚至在社交平台上公開銀碼,之後再用其他招數追同事畀人情。甚至在婚禮結束後,追上司畀人情。

 「極品新娘」奇招要求同事畀人情 收完禮繼續追數 網民:要幾厚面皮先做到?
網民發文指「極品新娘」追同事畀人情。(圖片:公務員secrets)
 「極品新娘」奇招要求同事畀人情 收完禮繼續追數 網民:要幾厚面皮先做到?
新娘要求同事畀人情(圖片:公務員secrets)
 「極品新娘」奇招要求同事畀人情 收完禮公開禮物銀碼 結完婚繼續追數 網民:無錢就唔應該結婚
就算同事沒有覆message,該「極品新娘」繼續追人情。(圖片:公務員secrets)

網民:要幾厚面皮先做到?

該帖文一出,雖然有網民認為收下喜帖後,就應該預要畀人情,又有人指「去飲呢正常嘅價係$1,000,唔飲呢正常嘅係$500,例牌」。不過,不少網民認為該新娘的做法厚面皮、寒酸,更有人指「無錢就唔應該結婚」。

  • 「塊面皮有幾厚先做得出。」
  • 「其實結得咁肉酸,周圍去R 錢同街邊乞丐有咩分別?」
  • 「人情同禮金都唔識分,仲要結婚擺酒,派一張爛鬼餅卡,就好似成村人欠咗佢咁, 冤鬼纏身,沒有極品只有更極品。」
  • 「係咁問人拎人情其實係咪真係咁等錢使,咁窮唔好結婚啊嘛。」
  • 「其實送禮係心意啫,最憎人去check人哋送禮物既價錢。唉…呢啲人入報紙落去都廢事。」

網民:婚禮唔係邀請人哋嚟畀錢你

又有網民認為該新娘的行徑違背婚禮的本義,表示收人情是其次,最重要的是邀請親朋好友慶祝喜事,而該新娘的做法本末倒置。

  • 「其實真係唔明,又無人要你搞婚禮,搞完又問人攞錢。一係就大方啲請人去婚禮,大家都開心,無錢嘅話就唔好搞咁大型,請身邊啲朋友咪算。」
  • 「其實我一直都唔明,話明結婚係請大家去飲,『請』嘅意思乜唔係自己搞掂哂啲使費㗎咩?等於你話請大家飲茶,你會唔會叫大家夾錢?!點解要外人填你哋筆數?無錢就咪鬼結婚。再難聽啲講句,又唔見啲人離婚時還返啲人情。」

「婚禮本義是邀請親友、好友,要感激多謝的人嚟戥你高興,點解要R人情,R到人哋神憎鬼厭。理論上唔應該收人情,佢想嘅,自然會畀,豐儉由人。『成件事係邀請人哋嚟畀錢你』,唔係婚禮。」

 「極品新娘」奇招要求同事畀人情 收完禮繼續追數 網民:要幾厚面皮先做到?
圖片:Unsplash

網民教路 直接話下次再畀

有網民坦言,再遇到「極品新娘」,應直接拒畀人情,甚至一開始不應該收下請帖。

「如果同佢真係唔太熟,畀帖嗰下直接推佢唔收,講明唔得閒再補句「我真係恭喜你呀」,掂都唔好掂張卡。如果女同事係放枱頭走人,我放返去佢枱頭。

  • 「將餅卡入返落利是封當人情畀返佢啦!」
  • 「封返份蘋果日報畀佢。」
  • 「畀返餅卡錢50蚊算打和。」

又有網民教路,笑言收到這類「R人情」的訊息,可以直接回覆「今次唔得閒嚟,你下次再結婚前再問我,睇吓夾唔夾到時間」、「人情嘛,下次畀雙份」。

 「極品新娘」奇招要求同事畀人情 收完禮繼續追數 網民:要幾厚面皮先做到?
圖片:公務員secrets