歎年輕人抗拒內地不了解屋企 汪明荃形容移民「咪去咗外國居住」

歎年輕人抗拒內地不了解屋企 汪明荃形容移民「咪去咗外國居住」

歎年輕人抗拒內地不了解屋企 汪明荃形容移民「咪去咗外國居住」
歎年輕人抗拒內地不了解屋企 汪明荃形容移民「咪去咗外國居住」

近十年,香港瀰漫一片年輕人沒機會向上流的抱怨,當中多次大型社會運動,亦離不開他們渴望改革的聲音。除卻熱心推動本港粵劇發展,資深演藝人汪明荃接受《am730》專訪時,自言喜歡與年輕人交流合作,亦覺得生於斯的年輕人已很幸福,社會多元又包容,「太平時世無戰爭」。她讚賞整體青年聰明「係唔錯㗎」,卻感歎他們抗拒內地,不去了解「自己屋企」,移民也只是「去咗外國居住」,改變不了中國人的事實。

攝影:林俊源    採訪:香詠倫

談起年輕人,香港八和會館主席汪明荃笑稱,「好鍾意同年輕人合作」,例如在電視台工作時就經常安排自己與年輕人共事。對於近期城中大熱的兩隊男子組合「MIRROR」及「ERROR」,汪不諱言讚賞兩隊組合參與的節目,「幾好睇,幾新鮮」。她分析指,不認識對方,「佢哋又無乜包袱」、「嗰個style(風格)我覺得幾舒服」。

兩台競爭 觀眾最開心
對後進不吝欣賞,汪明荃解釋,家裡不止自己看電視,「大家撳嚟撳去」,轉台時得悉這些不錯的新人,「不過長唔長久我就唔知啦」、「呢行係打耐(力)戰㗎」。她以自己為例勉勵年輕人,「我都做咗五十幾年」、「你肯做就一定有得做」,又指演藝界「都需要新人」。

至於TVB與ViuTV的競爭,汪明荃認為後者以年輕為主,前者則比較兼顧到不同層面的觀眾,而且TVB經營多年,「一定有啲長期嘅Die Hard Fans(死忠)」,不過最後最開心的還是多了選擇的觀眾,「鍾意睇邊個咪睇邊個」。她認為ViuTV的優勢不止「後生」,到底成功之處為何,可以留待曾志偉、王祖藍等高層研究,「我哋俾啲時間佢哋」。

了解才有資格評論
汪明荃又以睇電視作比喻,自己要先看過ViuTV,「咁我先有資格講」,希望年輕人也要了解內地,「你又唔入去睇」、「咁你講咩啫」。汪勸年輕人先不要抗拒內地,應該接受相關訊息,「點解你咁抗拒?係咪你入去睇住佢哋,佢哋有啲咩唔好呀」、「即係我睇ViuTV咁又點呀」,否則就覺得比較可惜,「自己屋企你都唔去了解」。

提起國家,「呢幾十年都睇住國家進步」,汪明荃直接能參與其中「幾感動」,認為很多事情反映外國「幾唔想我哋去成功」、「我哋每一步都係要好小心」。她又寄語年輕人,作為中國人即使移民取得外國護照,仍然改變不到黃色的面孔、血統等,「你去外國咪去咗外國居住」,此生仍然是中國人。(專訪二之二)
 

資料來源:AM730

關鍵詞
網民熱話