結婚丐幫 新人

極品新人借環保搏懵搞「丐幫婚禮」:搲婚紗店借裙兼贊助700蚊註冊費

熱話

廣告

有良心婚紗小店為有需要人士提供免費租用婚妙及化妝服務,惟申請人需經NGO和慈善機構轉介。然而,有貪小便宜新人搏大霧,以「環保名義」要求婚紗店義租,更厚面皮搲對方提供註冊費用。

要求贊助婚禮

婚紗小店在Facebook發文:「請問有冇環保人士可以為我解答一下,借衫我明係環保嘅。但點解贊助埋結婚註冊費都係環保咗?線上等。」

貼文附上準新娘與店主的對話,準新娘詢問:「我想問申請義租,同埋除咗免費義租外,你哋仲有冇其他支援?例如姞婚註冊費用。」

新娘以為出師有名,欲以「環保名義」搲贊助。她振振有詞解釋:「其實我哋只係想環保啲,睇吓你哋會唔會借一借俾我哋,只喺用幾個鐘,唔想浪費錢租和買。」

結婚丐幫 新人
(圖片來源:[email protected]慧子緍紗)

「同埋你哋有冇fund sponsored義租人士註冊費用?如果你哋可以,我哋可以幫你宣傳答謝你㗎!」

結婚丐幫 新人
(圖片來源:[email protected]慧子緍紗)

婚姻登記-只需7嚿水

翻查入境處資料,新人在登記官辦事處舉行婚禮的話,註冊費用分為兩類:

  • 正常辦公時間內,費用為$715
  • 正常辦公時間以外(非公眾假期的星期六下午或星期日),收費$1935
結婚丐幫 新人 新人在入境處婚姻登記處豁下的登記官辦事處舉行婚禮的話,費用只需$715和$1935。
新人在入境處婚姻登記處豁下的登記官辦事處舉行婚禮的話,費用只需$715和$1935。(圖片來源:婚姻登記處網站圖片)

可能受到經濟下行影響,面對極品新人,店主仍保持耐性回覆:「唔好意思,免費義租暫不接受個人申請。另外,即使是否關乎環保問題都好,我哋亦不會贊助任何準新人婚禮註冊費用。」

不過,網民反映踴躍,笑言有紙紮店準備一對穿禮服的紙紮公仔,表示可免費送給相關「有需要人士」。

結婚丐幫 新人
(圖片來源:政府新聞處)

網民意見:

  • 自己結婚都要有人贊助註冊費,100歲唔死都有新聞。
  • 光明正大大條道理,真係一樣米養百樣人。
  • 我又諗起之前既媽媽Group想免費要攝影師幫佢拍細路生日會,之後話可以畀返45個家長嘅Like同Share。
  • 連註冊費都sponsor ? 真係想睇下佢臉皮有幾厚,講得出又唔尷尬。
  • 其實我想環保啲,請問有無環保老婆,都是用幾個鐘就還的啦。
  • 其實無錢可以唔註冊,婚唔係一定要結,到離婚又要搵人贊助。
  • 之前就有澳門foodie丐幫,而家香港有結婚丐幫。
  • 其實我反而唔明點解借衫係環保,租衫唔環保。
  • 要唔要環保老公,free的。
結婚丐幫 新人
(圖片來源:[email protected]泰記壽紙)

動盪新常態 蔡金強:投資要重返宏觀切入 美股長遠大贏家

立即瀏覽 蔡金強專訪

美股曾帶挈不少香港散戶在疫後時期身家暴漲,但今年也許使更多人打回原形,甚至輸凸。「美股只升不跌」的一時神話,被粉碎得星塵也不剩。奧陸資本總裁蔡金強點出散戶弊病,是習慣了不正常的長期和平且繁榮的年代,忘記了經濟與股市本來的規律就是不時動盪,現時做投資要摒棄從企業個體出發,轉為政經大格局切入,他挑出三大心水板塊分析抗跌股票,且待「小金人」娓娓道來。

圖片來源:政府新聞處,婚姻登記處網站圖片,[email protected]慧子緍紗,[email protected]泰記壽紙