30歲過後時間過得好快 「大個咗 愈嚟愈驚被人炒」|結婚|網民熱話

熱話

【結婚・網民熱話】即將踏入7月份,意味著2019年已經過咗一半。有網民提到常常覺得一過30歲,日子過得仲快,時間唔夠用。當成家立室之後時間會更加唔夠用,慨歎青春逝去得太快。

 

撰文:Smart ED編輯部|圖片:lihkg、電視截圖、unsplash

玩都要計時間

唔少人覺得少咗hea嘅時間,係因為年紀漸大,連玩都要好急同被逼性地「充實」。然而每一個人出嚟做嘢之後, 就會好掛住讀書嗰時。老咗連玩都要計時間,乜嘢都要計時間日子,好似你考試成日望鐘感覺時間過得特別快, 慢條斯理感覺就會慢。「放工返歸都7點幾,如果去做埋gym回家都10-11點…洗完衫沖完涼差唔多要訓,得星期六日係有時間打機。」

 

去到30出頭嘅人士,返工時間太多,事業心重嘅人士又要顧住競爭上位,玩都冇時間玩。好多人都有種感覺係:完全冇乜變過,但時間就好快過去。有啱啱30歲嘅網民表示自己轉咗份新工,全日冇時停,返工放工,現時做咗2個月,有時係好懷疑之後嘅人生係咪都要咁。

「我諗因為工作時間佔左太長,標準工時一定要訂立
大部分香港人返工搭車都用1個鐘左右,來回冇左2個鐘
返工仲返10個鐘」

結婚後更加冇時間

有自稱快將30歲嘅網民表示,返工捱到殘晒都仲係俾唔到首期買樓,現時賺$26k,儲到唔知幾時樓價先跌,返工返到好冇動力,唔知捱黎做乜,覺得日日咁辛苦得到既回報係連樓都買唔起 好冇安全感 又要交一大筆稅又要交租 到時買樓又要供 , 而家未結婚生仔都日日做到狗咁, 唔知將來結婚生仔供樓點算,覺得單身唔係壞事。

「唔使到30
離開左中學就已經好快
中學果陣日日都想快啲過
出黎做野日日都返工,日日都期待放假,都唔會為意過左幾多日,淨係知道星期六啦」

另外有人建議可以去半工讀增值自己,不過人大咗,心態都唔同曬,冇咗份求學精神。

飲食業界打工仔表示日企夜企先勉強得$16k。另有32歲現時月賺$15k者提到,自己再年輕少少時搵過30k,,由於發展唔係咁好,現時想試下轉行。要由頭開始,但以前儲蓄又唔夠。

「正常返工真係搵得好少
要搵野炒賣下先幫補下」
有網民表示見到嘅係零售市道越嚟越差,係香港又只係得外國牌子賣,本土又無技術又無工業,想試下轉啲穩定職業。
網民經驗:
「未到30,做左野幾年,但都覺時日太快。而呢種絕唔係開心玩樂既快,只係自己無目標,對生活無所謂無要求,渾渾噩噩虛渡光陰既快,思想記憶都停係中學尾大專既階段,問我呢幾年做過d咩,除左去左幾次旅行都無咩記得了。」

「係 , 過得好快 , 返工放工又一日.
每個星期就係等星期六日
每個月就係等月頭
約朋友打牌食飯純粹係 “睇落有D野做 無咁悶”

原本打算今年結婚, 但今年頭分左手 …
年紀越黎越大, 但仲未成家立室 好驚會孤獨終老
利申 32」