【網上熱話】升降機膠膜被燻黑 網民批破壞者沒有好處

【網上熱話】升降機膠膜被燻黑 網民批破壞者沒有好處

為減低居民確診新型肺炎的機會,不少大廈升降機都會在按鈕蓋上膠膜,方便清潔和消毒。不過在鴨脷洲利東邨東業樓,有網民發現其中一部升降機的「地下 G樓」按鈕膠膜,竟被人用火燻黑。見狀的網民Kin Yuiiu在Facebook群組「利東揮手區」發帖,質疑破壞的人「點解要咁做!」
有網民就留言,指升降機內設有閉路電視,促請管理處以此緝兇甚至報警求助,「叫保安睇閉路電視拉人賠錢」、「CCTV影到㗎啦……應該」、「呢次要看管理處如何處理?看看『真章』定係根本宜家仲係『烏瀡瀡』中!」不過有人直言,若果破壞者是訪客且尾隨其他住戶進入大廈,「保安冇紀錄,報警都未必有用。」

有人就質疑破壞者的動機,認為行為對他也沒有好處,「當事人咁樣破壞公物,對佢自己有咩好處?照計佢都係住喺嗰度大廈㗎啦」、「真係咩人都有,自己住嘅地方都咁樣攪」、「每一座都有一啲攪事邨民」,另有人以一句作總結:「人在做天在看,一定有報應。」

資料來源:AM730

關鍵詞
網民熱話