網上熱話|遇的士司機扒「紅燈飯」 網民嘆搵食搵位食俱難

網上熱話|遇的士司機扒「紅燈飯」 網民嘆搵食搵位食俱難

本港經濟環境近年不景,各行各業也要努力求存。有網民日前搭巴士時,發現旁邊的士的司機在等候交通燈轉綠燈時,把握時間食用手上的飯盒,「搭巴士見到呢個的士哥哥等緊綠燈期間快快抓幾啖飯,轉綠燈急急蓋好盒飯開車」,慨嘆現時搵食艱難。
網民May Tang在Facebook群組「的士司機資訊網 Taxi」貼出照片後,不少人都認為的士司機除生計上搵食艱難,連搵位食飯也很艱難,「一行去食飯,會被抄牌」、「做的士司機真係唔易,去廁所抄牌,食個飯又抄牌,早收工又抄牌」,亦有人趁機呼籲一眾乘客別在求折扣,「現實正常司機就系(係)這樣!見怪不怪!辛苦錢!各位貴客勿再R折啦!」

有網民雖理解的士司機業界的苦況,但都希望他們可以找一個較安全的地方,可以慢慢進食,「停埋一邊慢慢食嘛,咁樣食得辛苦又危險」、「揾個行得慢既(嘅)的士站邊等邊食」、「唔好太辛苦自己,食飽再拼過啦」。亦有過來人直言,以前都是這樣進食,「搞到有嚴重胃病」,又說「呢啲畫面出現facebook簡直係香港嘅醜聞」。

資料來源:AM730

關鍵詞
網民熱話