網民稱做咗兩個月保險經紀想辭職 唔想呃呃氹氹?有人話賣保險無問題 最錯係部分經紀嘅心態

網民稱做咗兩個月保險經紀想辭職 唔想呃呃氹氹?有人話賣保險無問題 最錯係部分經紀嘅心態

受到疫情影響,部分打工仔失業,不少保險公司有意招攬這批失業軍入行。日前,有人於討論區發文表示,自己入行做保險兩個月,發現該行業並非如招聘廣告般理想,更非人人都能達到年薪過百萬,因此萌生退意。帖文公開後,引來不少網民熱議。

撰文:經一編輯部|圖片:Unsplash、中銀人壽財富管理團隊Facebook

樓主:無單開嘅agent你唔講?

日前,連登討論區內有人以「做咗保險兩個月後嘅感想」為題,發文分享自己於保險行業內工作兩個月的所見所聞。該網民表示,自己的職位為「financial planner」,實際工作內容與保險從業員無異。他更表示,當初應徵時,經理稱這份工作「好好搵」,更強調十分專業。惟樓主卻認為該經理將保險行業過分理想化。

經理又會講到份工幾好搵,年薪過百萬。年年過百萬咩?無單開嘅agent要乞食你唔講?包裝到幾好又點,人哋一做份工就知龍與鳳啦!同埋又成日強調自己有幾專業,講真咪又係呃呃氹氹,成日話啲人保額唔夠大。

網民稱做咗兩個月保險經紀想辭職 唔想呃呃氹氹?有人話賣保險產品無問題 最錯係部分經紀嘅心態
圖片:中銀人壽財富管理團隊Facebook

網民:一張白紙、無人脈、無知名度、無家底根本做唔落去

樓主稱入職兩個月,已經離職打算。他的帖文一出,引起不少網民回應。部分網民表示,向來對保險行業感到反感,認為大部分招聘廣告只將年薪百萬的例子放大,卻忽略假如沒有人脈,根本難以開單,更遑論年薪逾百萬。

  • 「講到年薪百幾萬咁好聽,其實年年大把fg(大學畢業生)墊底又無人講。」
  • 「佢哋淨係講少數搵到錢嗰班,無講大多數都係捱緊麵包嗰啲。」

又有網民坦言,部分保險公司招攬新人的目的,只為利用其人脈開單,沒有人脈則沒有價值。

  • 「我識人本身有錢,有好多叔伯親戚幫手照住,呢啲咪撈得起,唔驚無單。」
  • 「如果係一張白紙,無知名度、無家底、無人脈就等收X。」
  • 「普通出身基層嘅後生仔,身邊識開嘅人都係打份工,搵得少,餐飲餐食餐餐清,入行開到啲咩單?唔使問都知結果。」
  • 「請你係利用你自己嘅networking去sell客。」
網民稱做咗兩個月保險經紀想辭職 唔想呃呃氹氹?有人話賣保險產品無問題 最錯係部分經紀嘅心態
圖片:Unsplash

網民:保險本身無問題 最錯係啲氹人買保險嘅經紀

不過,有網民為保險行業解釋,稱並非所有保險經紀都會「呃人」買保險,只不過是「樹大有枯枝」,令部分人對行業產生偏見。

  • 「樹大有枯枝,行行出狀元,咩人都有。」
  • 「識人撈得掂既 一係本身成績好、讀書叻、有學識、專finance;一係佢地本身撈其他行業都掂,人掂做邊行都掂。」
  • 「都係個句『做保險即係做人』。你望下身邊總有一兩個做保險做到風山水起,佢地大部分都有一個特質:『有人緣』!」

又有網民認為保險是生活中的必需品,只是部分保險經紀推銷保險的做法不妥,導致大部分人對保險行業的觀感不佳。

  • 「最X街係一班鑽研『話術(語言藝術)』嘅人,教人點樣去氹人買保險,然後仲自稱專業。根本保險本身就係有價值嘅嘢,唔需要一堆疑真疑假嘅『話術』去氹人。」
  • 「其實每個人真係有需要買保險嘅,只係啲保險agent甚至保險公司心態唔好,搞到成件事錯哂咁。」
  • 「有用就有人買,無需要咁多花言巧語」
  • 「其實保險個concept 本身就好合理好生活化,係一堆『理財顧問』出現之後,先搞到咁奇怪。」
網民稱做咗兩個月保險經紀想辭職 唔想呃呃氹氹?有人話賣保險產品無問題 最錯係部分經紀嘅心態
圖片:Unsplash

有網民自稱行內人 指不會強迫客人開單

有位自稱行內人、已達到百萬圓桌MDRT輕量版的網民表示,專業的保險經紀根本不需要hardsell,更不會強迫人買單,所做的只是為客人提供選擇。

根本呢行係唔會迫到人買單,根本唔使hard sell,只係叫做提供個選擇畀個客自己諗。

網民稱做咗兩個月保險經紀想辭職 唔想呃呃氹氹?有人話賣保險產品無問題 最錯係部分經紀嘅心態
圖片:Unsplash

入行門檻低 人人都可以賣保險?

不少網民認為保險的入行門檻低,基本上人人都做得。事實上,保險從業員需要持有相關牌照,包括通過保險中介人資格考試,該考試成績有效期為2年。若入行後想做更多方面的保險業務,坊間也有其他進修課程。

疫情期間,部分失業人士或會考慮進軍保險業。然而,無論是認同或否定保險行業,各種行業都有其風光及陰暗面。若有意入行或離開這個行業,應三思並因應自己的情況,作出最適合的決定。