【自由自在】田少自爆怕老婆 自言幸運過做特首

【自由自在】田少自爆怕老婆 自言幸運過做特首

熱話

【自由自在】田少自爆怕老婆 自言幸運過做特首
【自由自在】田少自爆怕老婆 自言幸運過做特首

縱橫政壇多年的自由黨榮譽主席田北俊,自從退下火線後,言行舉止都不再受束縛,鍾意抽水又鍾意寸人,但原來佢唔係「冇有怕」㗎,咁佢最怕係邊個?仲使講咩,梗係田太啦。
人稱「田少」的田北俊接受香港電台第二台《瘋Show快活人》節目訪問,大談家庭逸事,佢自爆喺屋企都會怕老婆,點怕法?「有時我問佢問題,見佢眼色唔對,就會即刻轉話題。」
田少出名係「愛妻號」,一提起老婆就甜絲絲,「當然錫老婆啦!」原來明年係佢哋金婚,他直言在生活瑣碎事上十分依賴太太,加上疫情期間常留在家中,令田太不禁有點煩厭,笑住同田生講:「你冇嘢做喺屋企好鬼煩,最好你搞政治被人煩,唔好煩到我。」

至於屋企人會唔會擔心佢嘅言行會俾人鬧,田少就話雖然有「深藍」對自己有微言,但唔感覺「深黃」對佢有意見。佢仲話,「行出街我係開心,幸運過做特首。」點解?「林鄭、梁振英敢唔敢自己行街先,做特首做到咁樣,點管到一個地方呢。」
田少又分享自己做「阿爺」的睇法,「我同北京睇法唔同,我會縱啲孫;北京而家咁處理,啲孫就會好唔掂,就算被你焗到乖乖地,遲早心底條氣唔順,都唔會係乖。」
 

資料來源:AM730

關鍵詞
網民熱話