【全港核突屋苑大賽】 肉酸程度難分高下!外表似山墳、有觀音超渡、居屋扮私樓 你屋企有冇上榜?

【全港核突屋苑大賽】 肉酸程度難分高下!外表似山墳、有觀音超渡、居屋扮私樓 你屋企有冇上榜?

香港人辛苦上車都是為求一間安樂窩,但萬一所住屋苑的外型「核突」,而且還價值不菲,被朋友恥笑時就真的欲哭無淚!日前有網民於討論區發起「香港核突屋苑大賽」,帖文一出,引起網民熱烈貼圖討論,當中有兩個屋苑難分高下。

撰文:經一編輯部|圖片:香港討論區截圖、Google實景截圖、am730

屏風鼻祖華景山莊似山墳

日前,有網民於香港討論區以「香港核突屋苑大賽」為題發文,並指明大賽只計外貌,再貼出荃灣西全城匯、葵涌華景山莊等照片拋磚引玉。

全港核突屋苑大賽 兩個屋苑難分高下!外表似山墳、有觀音超渡 你屋企有冇上榜?
全港核突屋苑大賽

帖文一出,網民紛紛「力撐」外型似山墳的華景山莊核突:

  • 「山墳look真系接受唔到。」
  • 「華景係屏風鼻祖。」

有網民就對於有錢人住華景山莊感到不解,表示:「華景我由細到大都覺得似神主牌,重有個山一年着咗大半年都有霧氣圍住。我心諗住得個度都有錢,但有錢點會住個度?」

全港核突屋苑大賽 兩個屋苑難分高下!外表似山墳、有觀音超渡 你屋企有冇上榜?
華景山莊Google Maps實景圖

比華利山有觀音菩薩超渡

與華景山莊「平分秋色」的是同樣似山墳、甚至似墳場的大埔比華利山別墅,網民紛紛貼圖留言力撐:

  • 「大埔比華利山又何嘗不似山墳。」
  • 「尤其是由吐露港公路望過去。」
  • 「仲有觀音菩薩超渡。」

有網民更詳細解釋:「其實比華利山別墅,由吐露港望過去,加上觀音像嘅加持,又真係好靈異嘅;不過話說回來,全個別墅群依山而建,用盡個山頭,效果就係似墳場㗎啦!」

全港核突屋苑大賽 兩個屋苑難分高下!外表似山墳、有觀音超渡 你屋企有冇上榜?
有網民貼圖力證由吐露港望過去的比華利山似山墳(圖片:香港討論區)

 

全港核突屋苑大賽 兩個屋苑難分高下!外表似山墳、有觀音超渡 你屋企有冇上榜?
比華利山Google Maps實景圖,觀音娘娘離好遠

呢啲屋苑用色核突、唔似私樓

除了上述兩個屋苑之外,亦有網民批評近年有些新盤用色核突、唔似私樓:

  • 「第一次睇(全城匯)以為係公屋,外表核突到呢!一啲都唔似私樓。」
  • 「迎海嘅用色先經典,傳說中嘅黑加橙顏色。」
  • 「海之戀啲色都麻麻,唔夠grand。」
  • 「香港核突屋苑,個人心水,首推居屋扮私樓嘅海濱南岸。」
全港核突屋苑大賽 兩個屋苑難分高下!外表似山墳、有觀音超渡 你屋企有冇上榜?
海濱南岸被指居屋扮私樓(圖片:am730)

 

全港核突屋苑大賽 兩個屋苑難分高下!外表似山墳、有觀音超渡 你屋企有冇上榜?
海之戀用色亦被批不夠高貴(圖片:am730)

 

全港核突屋苑大賽 兩個屋苑難分高下!外表似山墳、有觀音超渡 你屋企有冇上榜?
迎海.星灣傳說中嘅黑加橙顏色(圖片:am730)

大家都係樓奴

此外,亦有網民幽默地說:「最肉酸的肯定是自己的屋苑,因為人總是覺得人地的比自己好。」

不過,無論香港屋苑外型有幾核突,現實是大部份人連都買不起,所以有網民直指「香港地大家都係樓奴,學咩人講設計,有樓你住執到啦。」

延伸閱讀:買樓最緊要地段!網民獻計:一個簡單方法由新界西「升呢」做港島人!

延伸閱讀:網民問「明明有錢人最有資格失業 點解失業多為窮人」咬住金鎖匙出世 比窮人更易搵好工?