中層公務員嫌「交稅多、福利少」 月入5萬壓力爆煲：高層淨係識捽數！

公務員大呻中層苦況

近日，有網民在Facebook專頁「公務員Secrets」發文大訴中層公務員苦況。該網民表示，月入4萬至5萬(公務員薪級表第20至28點)的公務員最慘，不僅要繳交重稅，而且住房福利較少，「公屋排唔到之餘，連居屋都冇資格抽」，又慨嘆「納米樓」入場券都需要500萬以上。

該網民又指，中層公務員的工作量最大，「手下個班CA（助理文書） ACO（助理文書主任）話之你死，由其是班老油條，你炒又炒唔到，罵又當你唱歌，高層淨係識捽數，出事就縮」。

因此，該網民表示中層公務員每日上班超大壓力，由其是未過3年試用期的員工，「細嘅做唔晒要準時放工，又唔迫得佢OT；大既淨係要個結果，攪到放假要自己一個人係屋企做晒啲嘢」。

網民：身在福中不知福！

帖文一出，隨即引來不少網民留言討論。有網友表示理解發文者的處境，並鼓勵其向好的方面看：

• 「向來每一個層級都有自己的難處，只係著眼點唔同囉，低收入的係生存壓力，勞力；中層係心理壓力，社會壓力；從來係你睇我好我睇你好。 」
• 「4、5萬蚊一個月你估真係咁多人搵到？」
• 「淨係睇公院醫生打晒尖，專科又可以睇先已經贏晒全香港人。」
• 「但中層公務員，也是公務員喎！一樣享受官僚架構的好處。」

也有網民揶揄「不如交換人工？」、「既然咁慘，我願意代替佢受苦，我不入地獄誰入地獄」。

不過，亦有不少網民表示發文者身在福中不知福，還不懂「人間疾苦」：

• 「外面50k人工，已經係管成個department既阿head，責任大，做死人！」
• 「公務員同出面人講有壓力，就好似香港人同烏克蘭人講驚武肺。」
• 「佢地活係平衡時空，永遠唔知自己身在福中不知福。」

延伸閱讀：公務員薪酬趨勢調查｜擬加薪幅度介乎2.04%至7.26%：需考慮團隊士氣！

延伸閱讀：設計師人工一萬蚊都無！港女每日捱面包月儲$4,000 想去日本窮遊