分享至
    【診所職場事|寶豬趣聞】喺診所播佛經嘅女士|珍寶豬

    【診所職場事|寶豬趣聞】喺診所播佛經嘅女士|珍寶豬

    有日診所好清閒,我喺度數緊手指…
    有位姨姨入到嚟診所,望望四周,邊行埋嚟登記處邊問:「開咗工㗎啦?」

    我:「睇醫生嘅麻煩俾身份證我登記呀!」
    佢:「你呢間冇人睇嘅?」
    我:「今日比較靜啫!」
    佢好懷疑:「咁奇怪…」

    撰文:珍寶豬funnyclinic)|圖片:電視截圖

    女士嫌診所太安靜

    我:「你係咪睇醫生呀?你俾身份證我登記呀」
    佢交出身份證:「嗯」
    登記完成,我:「你坐低等等呀,轉頭會嗌你名就可以入去見醫生㗎啦!」
    佢邊行去坐低邊望望診所四周。
    坐坐吓,佢喺位度大嗌:「姑娘呀,呢度好靜呀,可唔可以開電視呀?」
    你見到有電視嗎?
    我:「我哋冇電視㗎喎」
    佢:「靜到成間靈堂咁,你求其播啲嘢啦,我想有啲聲呀!」
    一係你唱首歌嚟聽吓呀?

    我:「你好快入得去見醫生㗎啦!」
    佢邊講邊拎自己部電話出嚟:「你唔播我自己播啦唉!」
    一分鐘都冇,診所好似更加似…阿姨呀,你可唔可以唔好播佛經呀?
    呢個時候,醫生話可以嗌姨姨入去,我:「姨姨呀,可以推門入去見醫生啦」
    阿姨拎住部電話行入房,好似冇意欲閂聲咁…
    我:「你閂咗聲先入房啦,播住歌嘅會影響到醫生診症㗎」
    佢唔理我,將電話放喺胸前,照播住歌咁行入房:「唔熄呀!」
    一陣醫生要聽你個肺嗰陣,應該會聽到好立體嘅佛經…

    睇醫生 診所
    圖片:電視截圖

    延伸閱讀:想要「過時」病假紙嘅先生|珍寶豬

    延伸閱讀:自備儀器做大腸鏡嘅女士|珍寶豬