月入 $15,000想月供股票 點樣部署賺多啲

投資

廣告

問 1:

老師您好!經過老師解答,我去了解了月供股票。

1) 想請教如果月薪大約$15k,扣除家用$4000,

如果每月儲$2-3000,月供$4000,作為新手這個比例是否適當?

2) 如果月供$4000,應該全部用來供(2800),

或者應該分散供(2800)之餘,選擇1-2隻老師建議的收息股?如果分散比例應該怎樣分配?

3)另外想請教由於月供股票多數不是一手一手買,想知道如果將來唔供/打算賣,唔夠一手的零碎股票賣唔賣到?或者可以點處理?

唔夠一手的股票都可以收息嗎?

龔成老師答:

如果你每月可儲約$7000,將其中$4000做月供股票,可以的。

集中盈富(2800)都無問題,因為這本身就是一個包括50隻股票的投資組合。若果你是較低風險的投資者,當然可以加入港燈(2638),會減低組合風險,但同時減低了組合的增值能力。

月供股票由於每月買入股數不同,因此的確有碎股問題,但據我所知,好多銀行的月供股票,都提供「碎股可以正股價」賣貨的股務,因此不用擔心

更可況,一般的碎股都可以賣出的,只要是大型的股票,一般低4-8個價位,就能賣出的。(對照龔成信箱Q3585)

問 2:

龔成老師你好,想請問下基本上你出既書我都睇過。知道其中一本「投資捕升股」,但我搵極都無。是否已出版?我可以係邊度搵到?

龔成老師答:

《投資捕升股》十分抱歉。雖然我一年前已比XXX出版社,但佢搞左好耐都出唔到,另一出版社幫我出的書就可以不斷出。所以,這本書未出,唔知幾時先有。(對照龔成信箱Q3586)

問 3:

請問中興通訊入5入得過?

龔成老師答:

中興通訊(0763)是有潛力及有風險的股票,近年生意增長不錯,而且發展有前景。但近期這類股炒得勁,股值開始略高,現價值博率一般。

如果之前買在,可持有,未買的話,等回d先開始入,仲要不要大注。(對照龔成信箱Q3587)

問 4:

你好老師,我係你股票班學生呀! 我覺得你強調巴菲特的價值投資理念好好呀,多謝!

我想問,點樣避免好似0005 匯豐咁,由2008年$1XX 跌到$3X,到而家都升唔返高位?

佢?跌幅有冇跡可尋? 當時佢估價係咪過高? 如果當時已經睇得到高價過高就用月供去買,咁就唔會損失太多,好似而家你會叫其他人睇買入價過高時就月供,是這樣嗎?

龔成老師答:

如果要避開匯豐大跌情況,要從企業的本質著手。好多人以為匯豐穩陣,但我會用「存有風險」去形容。

正如課堂所講,銀行股本身高度負債,根本是存有一定的風險,當金融市場波動,佢持有的資產質素轉差,盈利減少甚至虧損,這一定會帶來股價的大幅波動。所以,這類股不是不可投資,而是分配比例上要做得好d,不能佔組合太高比例。

另外,估值過高是當時另一問題,當時已達全民皆股,大部分的股票機出現估值過高的問題,當股價由「昂貴」跌至「平宜」,股價就會大跌,不過,當時$3X是恐慌期,低於正常估值。(對照龔成信箱Q3588)

多謝各位提問,若然你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。
另外,由於提問人數眾多,見諒無法即日回覆,如果是普通的提問,預起碼要3天以上才能回覆,若然是較複雜的提問,起碼要7天才能回覆,希望各位能諒解。
編按:龔成是於公屋長大的80後青年,畢業後於銀行從事投資相關工作,雖然月薪僅萬多元,但因為理財及投資有道,只花五年時間,於28歲已累積到100萬元資產,目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》,並出任創富課程導師。

facebook專頁:https://www.facebook.com/80shing

個人網站:https://80shing.skx.io/–

延伸閱讀:

2018年牛氣沖天 恒指再創十年新高

月入 ,000想月供股票 點樣部署賺多啲