新盤

樓爆眾生相|新盤「坐艇三寶」用完即棄:請按慘烈程度排列以下地區

樓市

廣告

股市樓市同步向下,氣氛一片滲淡,不少投資者都四出尋找潛力地區博升值。然而,新一份施政報告除了北部都會區、簡約公屋外,未有全新地區「被祝福」,網民隨即揀選樓市「坐艇三寶」分析死因。

3大新盤供應重鎮

根據施政報告的內容,除了將軍澳、北部都會區外,亦有白石角站預計落成日期為2033年,雖然距離開通日仲有11年之遙,但對於早已進駐白石角的買家可算是一粒「定心丸」。

近年,香港住宅供應重鎮離不開啟德、掃管芴、白石角等,除了白石角以外,啟德和掃管芴的住宅規劃慘遭隻字不提,以上兩區買家不禁懷疑自己已成為「被遺忘的小孩」。

適逢樓市出現逆轉,政府提出向境外人才退辣稅,但本地買家持貨前景似乎充滿問號。網民特意選出樓市「坐艇三寶」,提早分析買家高位入貨的結局和地區現存不足。

新盤
(圖片來源:政府新聞處)

啟德:新供應大堆頭

  • 「啟德真係死硬,地價太貴,發展商想劈價都難。」
  • 「假如隔離營再改做安置區,買咗真係會發癲。」
  • 「上次一出啟德站,公屋、私樓、居屋『卡喇卡喇』夾著,新發展都可以搞到咁亂。」
  • 「啟德跑道區排第一,因為25k樓上呎價真係太貴,唔知幾多年先回到本。」
  • 「一個屈尾十已經吹緊北部大都區,仲邊有人理九龍灣?」
  • 「啟德仲可能起埋方倉,果期要起咩冇位就掟去啟德。」
  • 「啟德跑道區嗰度最好笑,第二個九龍站,又話乜嘢輕軌列車。」
  • 「由九龍站變左九龍城寨。」
  • 「啟徳應該死唔去,地價連建築成本,發展商坐貨都唔會平賣啦。」
新盤
(圖片來源:政府新聞處)

白石角:呢度係深井2.0

  • 「買白石角就係貪佢夠靜。」
  • 「白石角只係深井2.0!」
  • 「我朋友個朋友死慳死抵買白頭角開放式,唔知佢依家點?」
  • 「白石角有地鐵經過,不過係時速100km/h飛過。」
  • 「白石角站等個孫大學畢業果陣應該起好。」
  • 「個站起好嘅時候,嗰堆樓可能要重建。」
  • 「白石角踩單車同跑步一流!」
  • 「識朋友住緊白石角/啟德都好開心,大把有錢人。」
新盤
(圖片來源:政府新聞處)

掃管笏:交通死症

翻查報道,自2013年起,政府先後推出至少7幅掃管笏官地,合共可建單位數目高達逾7,000伙,當中3幅地皮被中資公司成功投得,涉及約4,100伙,意味中資樓盤佔掃管笏供應接近6成,個別規模較大地皮,可建樓面面積更高達百萬平方呎,

  • 「掃管芴,都話仲有20k以下平盤。」
  • 「掃管芴真係預等20, 30年。」
  • 「唔知恒大珺瓏灣賺定蝕?」
  • 「掃管芴交通真係好唔掂!」
  • 「唔係想像中咁差啦,有幾架巴士去轉車站。」
  • 「我只信一小時生活圈。」

立即加入經一Patreon共肥計劃

每日只需~$2.5 大量文章無限重溫

全新訂閱計劃內容將全面升級!由港股美股到加密貨幣,經一特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。

常見問題

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看

圖片來源:政府新聞處