下環吊頸嶺喺邊 5個你未必知的香港趣聞
廣告
大家住咗香港咁耐，對香港認識又有幾深呢？香港地細個忙讀書，大個忙工作，好容易忽略身邊嘅小事，依家同大家一齊細數那些年，你我都錯過了的香港冷知識！
1.香港人 IQ 其實好高
可能你讀書時遇上唔少豬隊友，工作又多蠢同事成日要執佢手尾，但原來香港人 IQ 係全球數一數二嘅地方，喺 2016 年《Gazatte Review》選出全球 10 大最有智慧國家/地區，香港更名列首位。
2.吊頸嶺
調景嶺，原本叫照鏡灣/嶺，早喺1905 年，有位叫倫尼嘅商人同另外兩位合伙人合資開辦 Hong Kong Milling Company，而其業務係麵粉廠，預計可以年產 8,000 袋優質麵粉，但最後因為經營不善，最終係1908年倒閉，而同年，倫尼先生亦自殺身亡，由於有傳倫尼先生係廠內上吊自盡，妨間就講笑咁將照鏡嶺叫成「吊頸嶺」。
3.寶琳
1955 年，調景嶺成立咗一間叫靈實肺病療養院，院方對外修築咗一條路，路名以靈實肺病療養院創辦人惠施霖牧師夫人嘅名命名「寶琳路」，不過當時寶琳路好短，係1987 年政府大幅加長寶琳路後，先至係現今寶琳站一帶。
4.香港特首年薪高到你唔信
好多人都唔知香港雖然只係一個咁細嘅地方，但特首人工比唔少國家總統仲要高！以當年奧巴馬人工同梁振英比，前者年薪約 312 萬港元，後者足足有 444 萬港元！
5.中環、上環、西環仲有一環？
1903 年當時殖民政府立石為界，以六塊花崗岩柱，從堅尼地城至銅鑼灣，劃定維多利亞城範圍。當時華人將呢個範圍分成「四環九約」，換言之中環、上環、西環其實原來仲有一個下環，下環其實即係現今灣仔同銅鑼灣一帶。
