中秋節老細派佢自家製月餅 同事：係咪想我病埋星期三四五
廣告
中秋節又過左啦，開開心心今日放左日假，不過開心過後總有手尾執。就係我病咗，事緣琴日老細好似好開心，拎咗佢自家製月餅出來派，仲話獎勵我哋呢個月來咁努力。決定中秋節搞搞新意思。
撰文：比卡超 ｜ 圖片：Visualhunt
月餅新食法
佢話同事：「炒月餅、炸月餅、涼絆月餅任君選擇。雖然方法係騎呢左啲，但勝在夠應節。」
炒月餅：將有火腿、臘肉等為餡料既月餅切成長條形，加入薑絲香炒，再用蔥花調料。
炸月餅：將豆沙、蓮蓉等餡料既月餅切粒放係油鍋裡炸至金黃。
涼拌月餅：將月餅切粒或切片，加榨菜絲、蔥花、辣椒、香油等拌勻即可。
蓮蓉西米布丁：煮成西米糊後加入蓮蓉，再焗至金黃。
食完真係痾死。
月餅盒新擺法
佢仲話同事：「月餅盒對一家人黎講都相當搶手，因為對全家都非常有用！不過唔好搶住用，如果唔係就傷感情啦！」
仲講佢自己屋企的嘢，話上年果時……
呀仔：只要買到零件就可以自己砌到部街機，真係慳返唔少架！
呀女：買買埋埋好多耳環、手鏈、髮夾，唔想唔見就整個首飾盒啦！某日本簡約設計品牌既收納盒都相當貴，又可以慳返筆！
老婆：新年可以當年盒用，月餅盒通常又金又銀好意頭！
佢自己：男人通常都好豪氣淨一堆散紙，整個散紙箱又唔洗驚唔見，可以用嚟搲下錢！
