要時間定錢？人工加$5,000肯唔肯轉去觀塘返工 網民：無4萬唔會去！
廣告
觀塘交通擠塞問題一直為人詬病，如果打工仔不是家住九龍東的話，相信有得揀都不會想去觀塘返工。不過，如果觀塘份工人工多5,000元的話，大家又會否考慮？
撰文：經一編輯部｜ 圖片：新傳媒資料室、連登討論區
應否由尖沙咀轉觀塘
日前，有網民以「人工多五千 會唔會轉去觀塘返工？」為題，在連登討論區發帖，指朋友住大西北，現時在尖沙咀上返工，薪金約1.5-1.6萬元，觀塘新工薪金比現在多5,000元，猶豫應否轉工。
網民：頂唔順先再走
帖文一出即刻引來網民兩極回應，不少網民指樓主朋友應該把握機會加薪．然後再用新的人工找下一份工：
- 「5,000蚊喎，唔走幾時先加得得到，老虎蟹都走啦，做兩年頂唔順先再走」
- 「即跳啦，做多3個月20k再搵25k嘅」
- 「畀我就實轉，呢啲位一定係靠轉工嚟加人工」
- 「大西北去邊都咁遠就是但啦，梗係揀人工多嗰份」
- 「你應該要考慮既係再下一份個人工，21k再跳槽同16k跳槽差好遠」
「點解係諗間公司位置而唔係諗個career path / salary increment，住得大西北你唔係西隧直出既位你度度都係咁遠架啦」
網民：塞到情緒病
不過，亦有網民認為每日來回車程浪費人生，更指試過塞車塞道有情緒病：
- 「返過半年成業，發誓無4皮以上唔會再返觀塘，真係塞Ｘ到情緒病」
- 「交通每日三個鐘來回，諗清楚，命都短幾年」
網民：是否值得為$5,000犧牲家庭時間
另外，亦有網民為樓主的朋友詳盡分析，指若以天水圍到觀塘回旋處計，早上要7點半前上到巴士或者西鐵，才可以點前準時到公司，放工6點半左右上車，要到8點半才能到天水圍。
如果這麼遲放工，基本上每晚都只能吃外賣，平日沒有私人時間休息及活動，若果有小朋友的話，更加要考慮是否值得為了5,000元犧牲與他相處的時間。
說到底，都是時間換錢的問題，是否值得則看樓主朋友有多需要這筆錢，以及轉了工後是否會更上一層樓。
看完網民理據，不知道大家又有什麼看法？
