內地學生租客拆門鎅窗 廁所牆身血淋淋 「破壞王」累業主扲荷包翻新：入到間屋一陣屎味！
撰文：經一編輯部｜ 圖片：Facebook、unsplash
業主放租的原意是賺取被動收入，但不幸遇上租霸就成為最大惡夢。最常見的遭遇除了單位被佔侵、長期拖欠租金，業主往往要纏擾一番才能追討損失，耗時費力。
請教內地租客好與壞 反惹「一面倒」負評
近日，有業主在社交平台發文，打算出租單位予內地女學生，本想請教網民分析出租好處和壞處，豈料得出網民「一面倒」負評，不少更分享自身慘痛經歷。
有網民分享「租咗好多年畀國內學生，一炮收15個月租都咪話唔爽，期間又唔會煩你。」因此建議樓主，要求內地學生預先繳交一年租金，以免出現欠租、拖租的情況：
「要收一年租金，下個月佢唔返學，你唔知可以去邊到揾佢收租。」
雖然解決了業主最擔心的欠租問題，但網民提出另一常見的出租挑戰，就是租客個人衛生習慣，這是不能從預繳租金解決的困局。
有過來人分享，內地學生交租無問題，最大問題係「so dirty！」，睇得出內地學生平時完全係無清潔，經常有頭髮淤塞住去水、廁所水浸，甚至在牆身寫字。
最終全間屋租完之後要大裝修，更揚言「有得揀嘅話，我唔會再租畀學生。」
過來人經歷：佢哋去廁所痞廁板
本以為租客造成全屋水浸已經是非常嚴重，但經過連串討論，網民才發現更恐怖情況尚未出現：
- 大陸人衛生意識好差，一個字：伏
- 住到集中營咁，又污糟又臭，廁所有幾塊用過血巾
- 內地學生係租務界係少爺少姐，唔會執屋洗碗拖地
- 我隔離屋之前經常開party，嘈到爆炸
- 佢哋經常淘寶，啲垃圾亂掉去樓梯
- 租過畀內地女大學生，三催四請先交租
- 浴室起潺，冷氣封塵，交樓好似打完仗
「你預咗間屋會好多曱甴，電器壞晒，廁所去水塞晒，馬桶佈滿了尿積，衣櫃櫃桶爛到閂唔埋，入到間屋一陣屎味，以為裏面藏咗一條腐屍，你接受到就得。」
樓主：樓下看更都唔贊成
內地學生陸續來港開學，亦有醒目業主提高叫租，作為日後退租時的清潔費：
- 租畀佢地一定要收得好貴，用嚟做清潔費
- 大部分學生都唔會清潔，好誇張，兩個月按金係未必夠你翻新
- 親眼見過有座垃圾山喺地下，租貴啲都冚唔到條數
- 租畀香港人亦唔見得好乾淨
- 見一見客講清楚條款就無事
「最好合約注明，第日完約收樓太污糟要收清潔費，經驗係污糟到嚇死人。」
隱瞞業主 再分租無本生利
另一個業主中伏位，就是學生租客承租後，在業主毫不知情下再分租予其他人，藉此借屋賺錢，達到無本生利的目的：
- 一人租，四人住，都聽唔少
- 只會越住越多人，2變4，4變6，分租欺騙業主賺錢
- 佢地唔理合約精神，中伏機會大
租霸神出鬼沒，部分更是易請難送。
有網民認為，業主不要只著眼放租收入，更是事前了解租客的生活習慣、談吐，盡量摸清楚對手底細，亦可以從其他方面著手，力求自保防中伏，常見做法包括：
要求提供入息證明
專業租霸行為橫行無道，即使面談期間，業主亦未能察覺不妥。最實際的，業主可要求對方出示入息工作證明，以評估對方是否有穩定收入，足以應付交租開支。
一般而言，經地產代理放租時，代理都會替業主要求租客在簽租約當日，出示糧單、工作證明等文件，以便業主過目。
另外，租霸普遍特徵是債務纏身，業主可以要求租客提供信貸報告，查看對方信貸評級。
不過，租客要取得信貸報告需時，而且涉及個人私隱，對方可能因此拒絕，主動放棄承租單位。
參考交租紀錄
除了工作和入息證明，業主可以要求租客出示過去交租紀錄，例如租單收據、銀行轉帳記錄等，以確保對方有準時交租的習慣。
其實，業主亦可以在閒談間摸清租客性格，了解對方的生活習慣、要求和財力，判斷其是否一個行為正常的租客。
簽正式租約後才交匙
當雙方簽署正式租約，打過釐印，便正式確立業主和租客關係。萬一租客欠租，業主有權入稟經法律途徑追討賠償。
要留意的是，有專業租霸在簽署臨時租約後收取門匙，然後多番推搪拒簽正式租約，令業主遭受損失。
有見及此，業主出租單位之前，只要雙方還未簽署正式租約，切勿給予單位鎖匙予租客，最好由自己或地產代理代為保管。
選用可靠放盤平台
有人建議，業主可選用網上放盤平台放租，經註冊系統或地產代理篩選具信譽和良好背景的租客。
現時，大部分放盤平台會要求租客先註冊帳戶，留下聯絡方式和查詢事項，以便業主回覆和逐一挑選，減少中伏機會。
