列舉全港公司最好福利 網民：每日開心返工已經賺咗
廣告
香港打工仔一直以來都係追尋緊最好嘅員工福利，但員工福利呢啲嘢可以話可遇不可求。咁究竟係香港有邊啲公司係有隱世嘅員工福利呢？
圖片來源：visualhunt 、電影《大丈夫》截圖 資料來源：連登討論區
有巴打就係連登討論區召集網友，一齊討論福利之謎。有網友就話其實普普通通有正常嘅5天工作週已經好足夠，起碼唔需要係週末攞啲工作返屋企做，可以叫做真係有worklife balance。
亦都有網友留言話，做完每日嘅工作量有得走人已經係最好嘅福利之一，最起碼唔需要係做完自己要做嘅嘢之後留低。筆者都相信咁樣會係一個唔錯嘅福利，可以為每日嘅工作量設下一個目標。
講到呢度，自然有網民認為最好加設無規定嘅上班時間，做哂嘢有得早啲走，走唔哂咪留低做完先走。其實一份正常嘅工作，香港人對佢嘅要求都非常簡單，都係做完嘢有得早做，標準工作時間果啲。
但係亦都有理性嘅網民認為如果員工福利太過放任的話，就只會令香港人嘅惰性越來越高，最後根本唔會令到公司可以正常運作，最後只會令到公司嘅現有福利制度崩壞，影響公司嘅現行運作。
其實筆者都同意某部分嘅公司嘅福利係可以改善，但連登嘅巴打講嘅說話亦都好有道理，一間公司係應該有自己嘅制度同埋要遵守嘅規則，如果福利係會整亂制度嘅話，又何來會有福利呢個制度呢？
