去銀行點解總係簽唔返個名 仲要總係要排隊
(非鼓勵客戶簽名範例一)
**轉載自[奇聞奇事]分享**
我： 呢個位簽返名唔該。
客： 係咪簽咩都得？
我： 要簽返户口簽名。
客： 我簽唔返咁點？
我： 簽唔返嘅話，不如幫你更新返個簽名。
客： 我次次簽名都唔一樣咁點？邊有可以簽得返？！改咗都簽唔返㗎喎！
我：Er…咁要揀個穩定啲嘅簽名，簽返中文名或許無咁易走樣。
客：我唔鐘意啊！你落個msg唔得咩？！我係簽唔返㗎啦！！！
我：……
(非鼓勵客戶簽名範例一)
**轉載自[小小職員]分享**
話說我哋唔係大銀行，但日日都好多人排隊，試過高峰有成60張飛等緊，分分鐘都多大銀行，原因係咩？我都唔知，可能搬咗個靚舖位呱。
有一日，有兩公婆，嚟銀行拎錢，但個簽名走樣，可能明明係幾個字痴住寫，但簽出嚟又分開咗，好正常叫你簽過個啦！比你睇埋你自己點走樣， 都仲要死撐話好似，仲要話「因為你哋搞埋啲咁嘅嘢先做得咁慢！唔怪得你哋咁慢啦！要啲客排咁耐，本人都嚟咗啦！又搞呢搞露！」真crazy！我鬼識你咩！個個拎住張身份證嚟，指住個鼻個話我咪XXX囉！（我心諗：識你老鼠咩！）你自己簽名又唔簽好啲，咁唔通你求其畫隻
🐢都比錢你咩！
銀行職員唔係人，個個都冇停手做，有時連水同廁所都去唔到，一起身去個廁所，十九八萬對金晴火眼望住你，好似話怪你做咩唔做嘢……點解啲人咁demanding……
點解你地咁少職員？
點解你地扣我手續費？
點解你地無老人家專窗？
點解你地食我張卡？
點解你地D打簿機又壞？
點解你地凍結我個戶口？
點解你地話我密碼唔啱？
點解你地要我等咁耐？
點解你地依家做嘢咁慢咁無效率？
點解明明寫提存服務你地又做文件嘢幫人填文件？
點解你地咁多點解？
資源問題，邊個想？ 邊個唔想日日齊人手開工，大家唔駛做到水都無時間飲、一日都去唔到幾次廁所？但人手出盡，係咁多就係咁多，好多時食無定時，有同事要早餐時間十一點食午飯之後直落到五點關門。
一係就兩點幾三點過晒食飯時間先食午飯，一個接一個客咁接無一秒停過。其實我地都好多嘢做好忙，唔係9點開門就9點番，5點關門就5點走嘅。開門關門請埋數，埋完請完成文件工作先好走。 點解覺得職員們好得閒？
其實同事們都係普通人，要秒速反應知你地想做咩絕不是易事，畢竟銀行職員唔係你肚入面條蟲，當職員嘗試幫你解決，請唔好一句撻埋嚟”點解你地咁都唔識？” 請係講呢句話前確定自已知道自已想做咩先。 不停loop 要重設密碼，重設密碼請稍移玉步去ATM，櫃枱只能重發密碼。 ”
又，等得耐9成唔係因為手腳慢，而係因為工序守則日漸增加，開户口解凍户口真係唔係㩒一個enter 就做完，係要時間去做，點解客人唔可以行多一步，每年用一用個户口，做一次提款防止凍結，就係呢一分鐘可以唔駛以後排一個鐘去解凍户口，點解就唔可以？自已令自已要排隊咁又可以怪邊個呢？
老婆餅無老婆，菠蘿包無菠蘿真係小學雞都知。提存服務就梗係唔止提存啦，一間啲行十幾個櫃枱唔通每個都係只能提存？ 其實「提存服務」係提存+服務 ，除咗提存仲有提供一般銀行業務，你話點會無文件嘢先得嘅呢？
有時真係將心比心，以禮待人唔係職員單向，客人一句唔該一句辛苦晒真係令人甜入心，覺得幫你做完嘢都係抵嘅。下次見到你都開心D醒神D，畢竟職員都係人，你都唔想自已做完嘢仲要比老板上司方向面你啦，係咪？
最後，其實銀行職員都只係高辛一族月入過慢的朋友而已 。
