啟翔苑有政府擔保按揭都撻訂 網民競猜原因：可能風水唔好
廣告
新盤撻訂時有所聞，最常見的原因是買家計錯數，到要「上會」時才發現銀行沒有如預期般批足按揭額度。近日有新聞指鑽石山新居屋啟翔苑錄得撻訂個案，但值得留意的是，居屋中籤者可以用折扣價上車，一向被視為「中六合彩」的幸運兒，加上買家理論上有政府擔保上會，因此引發網民熱烈競猜撻訂原因。
撰文：經一編輯部｜ 圖片：連登討論區、am730
料被沒收約37萬元訂金
新一期居屋以市價六折推出四個屋苑，當中位處鑽石山的啟翔苑最受歡迎，然而，該屋苑於6月9日錄得首宗撻訂，撻訂單位實用面積399平方呎，售371.67萬元。如果買家是白表買家，將會損失1成訂金，即約37.16萬元訂金，如果是綠表客，以最少5%訂金計，估計損失約18.58萬元。
有網民以「啟翔苑第一滴血，錄首宗撻訂，料買家遭殺訂最多37萬」為題，在連登討論區轉載相關新聞，引發其他網民熱烈討論新聞主角的撻訂原因。
網民：可能成家炒晒
有網民認為正常情況下有政府擔保上會，銀行會借錢，因此對於撻訂決定感到不解：
「成家比人炒晒，供唔起，如果唔係諗唔到點解撻。」
「點解咁快撻訂，其實都俾左訂金，下次再俾尾數都己經係幾年後層樓落成入伙前成交日先再俾尾數，仲有大把時間籌錢，又可以拖又有可以慢慢捻清楚，做咩咁睇唔開？」
網民：一家人傾唔掂數
有人就認為是買家突然轉軚看淡後市或與家人傾唔掂數，因此改變主意：
- 「個買家情願賠一成都不想買間屋，不是按揭問題，就咁簡單。」
- 「似真係改變主意唔想買/一家人傾唔掂數。」
- 「明顯屋企傾唔掂數啦，呢D轉個Ｘ頭賣出去都淨袋錢。」
網民：可能白表但唔符合資格
亦有網民認為主角是突然決定移民，不過其他遭其他網民反駁，不會付了首期後才決定移民這麼兒戲。
之後又有網民估計可能主角是白表客，突然發現自己不符合資格所以撻訂：
- 「計過條數都係移民好過？」
- 「可能係白表，但唔符合資格，做審查個時虛報左，之後驚出事就撻訂。」
網民：中六合彩過咗資產
亦有網民認為大家不應該想得太悲觀，可能只是主角一家中了六合彩，或者買GME賺到錢，超過資產限額，以及不志在資助房屋：
- 「可能突然中六合彩過咗資產。」
- 「唔係諗得咁負面嘅，話唔定人地call doge gme 賺左成億唔志在依層政府樓。」
網民：風水問題
有網民就發揮無限創意，認為主角是看了另一個關於家居風水學的帖文，因此認為啟翔苑望到「F1賽道」，風水唔好：
- 「係咪睇左琴日個風水post 見到F1賽道風水唔好唔買。」
