打一句有聲音的句子Challenge 盤點15句職場金句 「Angel方加」、「條友真係唔識㗎喎」出處是甚麼？
撰文：經一編輯部｜圖片：Unsplash
以下，《經一》為讀者整理「打一句有聲音的句子Challenge」的職場版，你會唔會聯想到老闆、HR，以及同事的聲音呢！
同事篇
1. Angel 方加
這句是出自於幾年前流傳的電話錄音，有位外籍人士致電和記公司，想找Angel，惟接電話的同事不識英文，不知道如何表示「Angel放假」。最終，他將廣東話的讀音變歪，試圖表達「Angel 方加」。不過，兩人語言不通，最終不歡而散。這句，則成為不少打工仔的口頭禪。
2. 條友真係唔識架喎
職場上總會有些人，他們無作為、工作效率低、經常做錯事。這個時候，幫他們「執手尾」的你，或多或少會講「條友真係唔識㗎喎」。其實，這句子是出自於電影《頭文字D》，是余文樂於戲中的經典對白，到現在仍是不少人的口頭禪。
3. 呢單嘢唔係我跟開
在職場上，同事們之間都會劃清界線，常常聽到人「卸膊」的時候講「呢單嘢唔係我跟開」。這句亦是舞台劇《小人國4》的職場卸膊操的歌詞，當年有引起一股熱潮。
4. 我都係照你意思去做
同樣是出自舞台劇《小人國4》的職場卸膊操，當打工仔被老闆、上司責備做錯事的時候，打工仔最常以「我都係照你意思去做」反駁。
5. 上一手同事都係咁講
部分情況下，就算打工仔話單嘢唔係自己跟開，老闆依然都會責罵。這個時候，有人會話「上一手同事都係咁講」。同樣地，這句都是舞台劇《小人國4》的職場卸膊操中的經典金句。
上司篇
1. You’re fired
當下屬犯錯，老闆十分生氣，決定炒魷魚的時候，幾乎都會大罵「You’re fired」。尤其在電視劇、電影內，不少老闆炒人的情節都會有呢句。
2. 後生仔唔好怕蝕底
職場內，當資深同事、老闆不斷分派工作給你，成日都會加上一句「後生仔唔好怕蝕底」，勉勵年輕同事努力工作。
3. 我睇好你㗎
每次上司指派更多工作給你的時候，都會搭搭你膊頭，然後講句「我睇好你㗎，俾啲心機」。事實上，這句藏著老闆的暗示，打工仔是時候要幫老闆執手尾。
4. 一陣放工開會
夠鐘放工，當你開開心心熄電腦、執袋走人的時候，相信打工仔最怕老闆突然行過來，講：「一陣放工開會」。
5. 做咩唔覆我Whatsapp
放假的時候，打工仔最怕見到老細的Whatsapp。如果覆，又會破壞Holiday Mood。但唔覆，打工仔返工的時候老細就會追問：「做咩唔覆我Whatsapp」，這個時候怎樣解釋都錯。
見工篇
1. 點解公司要請你
見工期間，面試官最必然會問「點解公司要請你？」這個時候，則考驗見工者包裝「我的志願」的功夫！
2. 講下自己嘅長處、短處
除了點解要請你，面試官經常會要求見工者「講下自己嘅長處、短處」。對打工仔而言，闡述自身長處容易，如何將短處講到變長處是最難！
3. 點解上一份工無做嘅？
當面試官望完你份CV，問「點解上一份工無做嘅？」打工仔都會想以最得體的形式，講述自己離職的原因。
4. 你仲有冇其他問題想問？
見工到最後，面試官都會問「你仲有冇其他問題想問？」對不少去面試的人來說，見工已經好緊張，事實上又沒有問題想問，腦中會一片空白。
5. 我地有消息會通知你
直到面試結束，面試官都會話「我地有消息會通知你」。只要見過工，聽到這句絕對會有共鳴感。
