打工仔呻月入兩萬買唔起樓 有人話同女朋友夾份供樓就得?網民:租樓都搞唔掂啦你!

打工仔呻月入兩萬買唔起樓 有人話同女朋友夾份供樓就得?網民:租樓都搞唔掂啦你!

熱話

廣告

香港樓價高企,打工仔想買樓置業,就算有穩定的收入,亦不等於能成事。近日,有位打工仔發文表示自己月入「萬幾兩萬」,大呻想置業,並與女朋友結婚,惟收入少「買唔起樓」。帖文一出,引起不少網民回應,有人認為打工仔收入低,一定買唔到樓。不過,有網民卻認為並非絕無可能,與女朋友一起夾份買樓,或能成事。

撰文:經一編輯部 |圖片:Unsplash

早前,有位打工仔於連登討論區以「月入二萬買唔起樓」為題發帖,樓主稱自己月入有限,屋企無法資助首期,想與女朋友結婚、買樓置業,但幾乎不太可能。

「月入萬幾兩萬,屋企又無首期,都係想置業,同女朋友結婚啫,難過中六合彩。」

網民:兩萬學咩人買樓

帖文一出,引起不少網民回應。有部分網民認為樓主的收入有限,一定買唔起樓,就算能夠上車置業,未來亦會供得十分辛苦。

  • 「月入2萬係社會最低層,買樓關你咩事。」
  • 「呢個人工就算你有父幹畀首期你都供唔起啦,今晚早啲瞓好過。」
  • 「兩萬,車你都養唔到啦!仲諗買樓。」
  • 「得嗰兩萬,買Lego算啦。」
  • 「租樓都搞唔掂啦你。買咗你就知幾大壓力!」

「樓呢啲咁貴嘅資產唔係你嘅玩意(暫時),如果未有投資習慣嘅,就開始咗先。唔好諗首唔首期住,唔好用人工買樓嘅諗法啦。人工2萬,一户正常都幾球,你想你老婆捱一世?學咗錢搵錢先!」

 打工仔呻月入兩萬買唔起樓 有人話同女朋友夾份供樓就得?網民:租樓都搞唔掂啦你!
打工仔稱自己月入僅兩萬,想買樓難過中六合彩。(圖片:Unsplash)

起碼要月入3萬先買到樓?

又有網民認為,在香港至少要月入超過兩萬,才有機會買樓。

  • 「起碼每人搵3萬先好諗啦!」
  • 「月入3萬都諗下好啦。」
  • 「覺得兩個人月入7萬先有得諗。」
  • 「兩個人月入8萬都買唔到。」
  • 「香港月入6萬,僅僅夠買到八百萬嘅現樓,月入7萬真係最安全!」

網民嘆:月入幾多萬都難買樓

亦有網民感嘆,香港樓價高昂,無論月入幾多,根本都難買樓。

  • 「其實月入幾多萬都難買樓,有錢上咗車先。」
  • 「兩萬已經過咗入息中位數,但係唔好意思,𠵱度係香港。」
  • 「2.5萬都無得淨,起碼搵3.5萬至4萬,係香港先勉強生存到。」
 打工仔呻月入兩萬買唔起樓 有人話同女朋友夾份供樓就得?網民:租樓都搞唔掂啦你!
有網民感嘆,月入幾多都難以買樓。(圖片:Unsplash)

網民建議可考慮與女朋友夾份 :兩個人慳啲 加埋4萬都買到嘅

雖然有部分網民認為月入2萬,幾乎不太可能在香港係買樓做業主,但有人卻建議樓主,可以考慮與女朋友夾份一齊供樓,就算樓主收入僅2萬,買樓並不一定無可能。

  • 「2個人都搵2 萬,加埋4萬都ok。搵啲300呎單位,首期最好有80萬」
  • 「2個人慳啲,4萬都買到嘅。」

「一個人難啲,身邊買樓嘅一般都係兩公婆聯名供,家庭入息4萬左右至5萬。不過你無首期就儲吓錢先!」

「假設你女朋友搵2萬,兩個加埋4萬係買到400萬嘅樓。首期大約60萬,大西北300呎內舊樓」

 打工仔呻月入兩萬買唔起樓 有人話同女朋友夾份供樓就得?網民:租樓都搞唔掂啦你!
有人建議樓主可考慮與女朋友夾份買樓。(圖片:Unsplash)

可抽白居二?抑或靠父幹先得?

又有網民建議樓主可以「抽白居二」,又有網民卻認為打工仔平日只要有儲錢,買樓時「畀多啲首期」,再加上父幹,自然可以買樓。

「屋企有無物業可以畀你套現嚿錢出嚟買樓?最直接真係搵個女朋友做擔保人一齊買。到時新買嗰層收租,幫你一齊供。其實月入兩萬買樓真係大把人,唔好聽啲人講覺得你發夢!」

 打工仔呻月入兩萬買唔起樓 有人話同女朋友夾份供樓就得?網民:租樓都搞唔掂啦你!
有網民稱「月入兩萬買樓真係大把人」。(圖片:Unsplash)

網民:量力而為 買唔起可以租

此外,有網民建議樓主應量力而為,「買唔起樓」應考慮租樓,減輕自己的負擔。

  • 「買唔起可以租!」
  • 「無錢學人買樓,租樓有咩問題,做人要量力而為。」
  • 「我建議你租,仲開心,想住邊就住邊。」

立即加入經一Patreon共肥計劃

每日只需~$2.5 大量文章無限重溫

全新訂閱計劃內容將全面升級!由港股美股到加密貨幣,經一特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。