網民, 屋企, 炒燶股票, 還債, 細佬, 細妹, 網民熱話

屋企人炒燶股票 40幾歲網民冇幫手還債 大呻受細佬細妹氣|網民熱話

社會熱話

廣告

網民熱話員工平時返工受氣就在所難免,但連屋企人都比氣你受,你又會點做?近日有網民以「有冇人四十幾歲人都要受屋企氣」為題發文,指出自己因為「把口不靈活」,所以在家中提出的建議都會被駁回,最近還被家人指責他逃避責任,被罵足一個鐘!

撰文:Smart ED編輯部  | 圖片:unsplash|資料來源:香港討論區

40幾歲人都要受屋企氣

樓主指,自己「四十歲,已婚,同屋企人分開住」,但因為「吧(把)口唔靈活,所以每次處理屋企重要事,講任何建議都ban返轉頭」,仲要下下都指責樓主。樓主指出「最近同佢地食飯,起碼比妹夫,細佬鬧足一個鐘,我講嘅野都係為件時(事)好,無私心動機。」但他卻被指責逃避責任,表達能力差,「同同事關係一定差」。

樓主再補充,幾年前屋企有人炒膿股票,細妹一次次幫手頂,就開始出現呢個情況。他承認自己「無本事,講野唔靈活,講乜都比佢地鬧」,又問「有冇四十幾歲人同後生仔一樣,要受屋企氣?」此帖一出,引起網民熱論。

網民:人善被人欺 自己攞嚟

不少網民認為這個情況樓主是自己造成,「當佢地第一次 X 你嘅時候就應該喝止。」又有網民指「有無試過反枱同成杯咖啡倒落個妹到先,呢d下馬威要比佢地睇的,心地善良就會比人欺。」

「我都唔明,40歲人仲要比細佬妹,妹夫鬧足一粒鐘,點解可以唔還口!」

炒股事件係導火線?

樓主補充,未發生炒股事件前,家人經常讚他工作認真。但家中經歷兩次炒股事件,由於金額太大,所以樓主「無頂到」,自此細妹就用訓示式態度和樓主對話。因為樓主屋企有事要商量,所以一齊食飯。樓主指:「呢排要無可避免要多接觸佢地,個日食飯,連隔離枱都聽到佢地鬧我」,連個「伙記」都叫樓主屋企人唔好鬧佢。

點解身為大哥唔出嚟承擔?

更有網民指責樓主「細佬妹怨嘅係點解老豆爭落一大筆股票數,而大哥唔行出黎(嚟)承擔 ,而要我呢個做妹既咩d債 」。「炒燶好多? 你少少都幫唔到? 咁難怪你阿妹話你,幫唔到多幫少少都好吖。」更有網民建議樓主應該要「私底下搵細佬妹食餐飯,同佢地講大哥出返一份。每個月過返比佢,個心都据啲啦。」

熱心網民甚至幫樓主寫好封家書:

「致xx細妹:

作為哥哥的我, 一直都很自責
我沒有比別人哥哥般的本事
亦深知細妹一直承受著沉重的家庭壓力, 如經濟上的負擔
哥哥往後會每月把2000-3000 存到你戶口當中
去承擔過往我一直未盡的責任
細妹 細路 我都只是得一個
對你們的關懷和痛錫 我無法用言語上作出表達
我只能用文字去表達一一寫下來
有些時候我也希望我們一家能和氣地吃飯
把我們心中的那份枷鎖一一消除

詞不達意的哥哥上
Xx」

其他網民精警留言:

「凡事唔會無原因,佢哋擺明唔妥你。」、「有錢話事,無錢收聲,最多唔見面😔😔年飯都唔食」、「可憐人自有可恨之處!」