網民熱話 屋企得一層樓 留俾細佬惹家姐不滿
廣告
相信樓呢樣嘢係香港地嚟講有幾咁重要，都唔需要再浪費唇舌去討論。近年愈來愈多討論區帖子，表示屋企人層樓大多數都會留俾男丁，惹嚟唔少家姐/細妹不滿，親情甚至出現間隙，認為家長應該公平，不過網民就有多面睇，其實留俾男丁都有好多合理原因：
1.男方要娶老婆
任何一位女性想同男朋友拉埋天窗，都希望有自己私人空間，甚至要喺有樓前題下先結婚嘅都大有人在！因此，男性想娶老婆變相要有樓係手，但女性想搵老公，答案好明顯係唔使！
2.外嫁女
家長往往留層樓俾仔，係因為華人思想中嘅嫁女就好似送個女比男家咁，普遍仲會覺得女方係幫人養仔養孫，所以屋企人點解要比錢個外姓人先！
3.女仔唔煩無得住
大家都識講，個個都留層樓俾男丁，即係你老公好大機會都有層樓，唔洗爭！
不過，依家時代唔同！屋企家產點分配的確都係一大難題，因為其實無人保證女方可以搵到好老公，有好依靠！
要搵一個公平得嚟大家又開心嘅處理方法，一家人惟有多加溝通。錢可以再搵，但親情出現裂痕就好難破鏡重圓。
