裸辭 裁員 打工仔 公司 員工 貿易戰 網民熱話

裸辭後1個月未搵到工 大呻好灰 「 唔好屈喺屋企 最怕愈坐愈頹」|網民熱話

社會熱話

廣告

【裸辭・網民熱話】最近有打工仔在討論區開帖,大呻裸辭已一個月,仍未找到工作,覺得很灰。有網民安慰指,人生有數十年,現在找不到工作,只是短短數個月的事,樓主可以視之為磨練;但亦有人直斥樓主的裸辭行為很不智,因為現時就業環境一般,找工作相對困難些!

撰文:Smart ED編輯部|圖片:電視截圖、unsplash|資料來源:討論區

裸辭後1個月 仲未搵到工

樓主表示,上月裸辭後,開始找工作,至今已經找了近一個月,樓主已寄出5份的履歷,惟當中只有2份工給予面試機會。樓主認為因其面試表現不太理想,所以現時只能等消息,「日日都上網留意有咩工,睇到好灰,無曬方向」,她又自認肯學肯做、有責任心,但成績差成為個致命點。

裸辭因阿姐態度難頂

提到裸辭原因,樓主直言是由於該組長阿姐不好,「態度難頂」,「揀野黎做,難做既(嘅)比曬你,同佢傾頂吾住,佢竟然同你講,我都好忙,仲講個個都係咁,明明就見到佢日日淘寶、禁(㩒)電話、上網」,所以樓主才裸辭走。

網民:1個月碎料

樓主的裸辭訴苦文引來不少的網民留言,當中不乏與樓主有相同遭遇、裸辭的打工仔,有人提到「相同遭遇,愈做愈火,最後為啖氣走,加人工都救吾(唔)番」,亦有人認為樓主裸辭找工作只是一個月的時間,「一個月碎料啦!大把人半年以上」。

一個月好短姐,我都快3個月,呢度好多人係咁,5月中開始少d工啦,慢慢搵啦

善用找工作的時間

不少有裸辭、找工作經驗的打工仔就安慰樓主,裸辭後需時間去找工作,又建議樓主要善用這段找工作的時間,例如是用來休息或自我增值,可以找份兼職,又或是做運動!有人提到,自己在裸辭後會去圖書館看看書,「唔想一起身就屈喺屋企,迫自己出下街,行下見下光」。

搵啲嘢做下,出下街,唔好屈喺屋企,唔係越坐越頹,我最長時間試過五個月先搵到工,樓主唔使灰心,祝你搵到份好工。

網民:當係一個經歷 一個磨練

有人就勉勵樓主指,雖然樓主暫時未找到合適的工作,心情並不好受,但可以想「人生幾十年,依幾個月相對嚟講,其實係好短時間,咁當係一個經歷一個磨練」!

不過有部份網民就指出,今年就業環境一般,「好多project都叫停,hold住or減價」,認為樓主裸辭不太理智,「裸辭要諗後果,一個月搵唔到工唔出奇」!

裸辭! 你太有信心啦! 事實係, 雖然宜家失業率好低, 但在市場上搵緊工既, 係重有好多人…..