【網民熱話】80後賣命6年 辭職慨嘆公司沒挽留 網民：螺絲再好 都係一粒螺絲

網民 發潮文：唔轉工因為「惰性」及「感情用事」

在商業社會講感情，到底係咪只會令自己蝕底呢？

有網民於討論區以「致正為公司賣命的你」開帖發文，指自己畢業加入了一間公司工作年，並指自己一直唔轉工是因為「惰性」及「感情用事」。

他指自己的「惰性」唔係自己個人懶，而係怕轉變，怕適應新環境。

加上其工作時間彈性「無王管」，在公司有一定地位，所以一直唔捨得走。

而且「年年可以入房同老細傾人工，亦年年都會加，加幅高過巿面。

講既係一成以上，有時仲會半年加一次。」 正因如此，令他留在一間公司6年。

繼續捱 只會令自己競爭力下降

樓主續指，一直都覺得「呢份工幾好出面好難搵到」，所以自己都做得好勤力，OT無補水都幫公司捱埋去，但慢慢發現樣「只會令自己競爭力下降」。

加上細公司晉升機會少，「你個亞頭一日唔走，你都無位上，年年加一成，點加都好，總會有封頂既一日。」

最後樓主終於在上年年尾辭職，因有其他公司挖角，所以人工追返同期。

你份月薪 係包你上一個月既付出 唔係未來

但他概嘆舊公司無挽留他，而且「仲好快搵到人接手工作，只求我最後一個月盡量幫手清哂舊野，同埋順利交接。」

他表示原本「驚自己走咗，會影響公司，但原來自己係可被取代。」

而且當他決走離開時，發現自己在公司「人未走，茶都已經涼。」

他為自己六年工作生涯作了一句總括，就是「喱（呢）個世界無話少咗邊一個唔得，永遠放自己第一位，對自己好啲。」

他補充，「在商業社會，就算幾有人情味都好，都要記得對自己好啲。」

有網民表示「好多打工仔成日覺得公司無左（咗）佢會死，放到自己好大」，而事實上，「人搵工多過工搵人 你唔做大把人爭黎（嚟）做」。

所以當有好機遇就應該跳槽，唔需要同公司講感情，而「公司唔留你就證明佢當你係隨時replaceable 的人」

有網民更抵死地指：「不嬲員工對公司黎講只係condom黎（嚟），冇左岡本咪買杜記，你估得你一隻dom咩」，更有網民一句說到重點：「螺絲再好 都係一粒螺絲」！

商業社會 人人都可被取代

不少網民同意樓主說法，慨嘆商業社會現實無情，人人都可被取代。

亦有人指打工仔一定要轉工，轉工石保持自己的競爭力，「做多過5年，真係會落後」。

有網民更表示，要為自己好，必須要「認清自己只不過係社會上一粒沙，即使你係公司老屎忽，都唔好睇到自己咁重要」

總括而言，大部分網民都同意打工仔真的不用對公司講感情。

的確，人生在世，工作只佔一部分，而作為打工仔，最主要的目的是賺錢。

應該和你發生感情的，不應是你的工作。