網民熱話 Rolex 吸引 男人的浪漫 勞力士

【網民熱話】一人一個Rolex真正吸引大家嘅魔力 男人的浪漫 工作的動力|勞力士

社會熱話

廣告

網民熱話勞力士】揀錶,你嘅首選又係邊個牌子呢?唔少港人都揀勞力士,十居其九購入嘅原因都係因為勞力士既保值又深入民心。有網民於討論區上表示,想知道Rolex吸引到大家嘅真正原因,提出勞迷們一人提出一個鍾意買Rolex嘅理由。

撰文:麗爾|圖片:新傳媒資料庫

勞力士吸引大家嘅魔力1.夠出名

有網民認為,對一個唔識錶嘅人嚟講,當然會揀個多人認同嘅牌子,而且相對入門級價錢較易入手。

亦都有人提出係一種「虛榮心」,好似女生會鍾意買手袋、化妝品咁。

而且現時多咗人戴,亦會多咗話題同朋友、同事傾。

勞力士吸引大家嘅魔力2.保值

唔少人都同意勞力士嘅最大賣點,就係戴完,二手放返出去都值啲錢。二來亦可當儲錢,唔少年輕人揸現金會唔安份,會一個唔小心就洗晒,買隻錶都叫做有得戴,入岩款仲有得升值。

市場多人追捧,亦有勞迷表示購入時,冇諗過會放返隻錶出去或者保唔保值嘅問題,但隻錶又靚,覺得買返黎又唔會即刻跌好大幅嘅價錢,令佢感覺良好。

網民亦有人提到以下原因:

・服務中心的驗證
・二手市場強勁
・價格公道(公價)
・運行嘅持久(耐用)
・維修嘅收費(相對不是昂貴,還可接受)
・品牌歷史
・型號經典
・期數變化

勞力士吸引大家嘅魔力3.身份代表

部份人都係「人有我有」嘅心態去買隻勞力士,想要「威」嘅感覺。

不過提出呢個理由嘅網民都有補充,自己開頭都係咁膚淺, 但越來越知多, 心態上都有唔同咗。

另外亦有網民提出,年輕時真係唔識勞力士,只係知五支火柴頭,原來就是勞力士。

喺佢嘅角度,年輕時,從前輩那一代也久唔久聼到呢個品牌名稱,這樣可能從少就受到影響「洗腦」。

時至今日,用「錢」途來表達,也都算一個代表。

勞迷亦有表示,做sales最好有隻勞可以見客show off,自己同幾個同事都有戴。

香港人一望勞力士就知貴嘢,人地望到可能會在心話: 勁勞力士呀!相反其他,就算十幾二十萬,人地望都未必識。所以「可以show off」亦到變成最重要的原因之一。

勞力士吸引大家嘅魔力4.香港人核心價值

有網民表示,rolex係香港人核心價值,普遍認受性最高。提到自己買第一隻係一時衝動。而第二三四五隻是因覺得靚,集郵心態。

勞迷亦提到自己由20歲買買賣賣到宜家40歲,覺得勞力士見證自己的高高低低,佢嘅魔力非筆墨形容,總之當自己一有閒錢就會去買,冇錢時就不停去睇,給自己一種原動力。

勞力士已係男人嘅浪漫,陪住自己出生入死, 一路走落嚟。