CONDOM

落雨鞋濕臭腳噏 7大奇招極速乾鞋大法 塞報紙笠 CONDOM

社會熱話

廣告

遇著落大雨兼打風,出到街走幾轉對鞋即刻濕晒,搞到對襪和鞋濕到扭出水。相信有經驗的人都會明白,穿着一對濕襪、濕鞋一整天有多辛苦吧!

現在教你7招,讓你可以極速把襪和鞋弄乾,唔怕噏到腳仔「臭崩崩」!

撰文:新Monday專題組
(原文:新Monday)

 

1. 善用報紙 塞塞塞

報紙有極強的吸濕能力,如果想極速把鞋弄乾的話,報紙絕對是你的好幫手。大家可以將鞋放置於報紙上,然後將報紙塞爆鞋內籠,最後用報紙包着鞋。當報紙濕透了,便換上新的報紙,這樣可迅速把鞋弄乾,如下圖:

2. 用乾手機 吹吹吹

在家時可以用風筒吹乾對鞋,不過出到外面又點算呢?相信不少洗手間都設有乾手機,假如沒有報紙的話,那麼便可好好利用乾手機!大家可先把鞋帶解開,將「鞋舌」翻出來,再扭一扭鞋頭水份,之後在乾手機下把鞋吹乾,時間上大槪花15分鐘,筆者試過,真係試過!

 

3. 竹炭包 吸吸吸

竹炭可有效地吸濕及除臭,利用竹炭強大的吸濕能力,可快速地把鞋弄乾。除了可以令鞋保持乾燥外,防止細菌滋生,同時亦可將臭味除去。

4. USB小型乾鞋機 豪華乾

日本Thanko公司推出的小型乾鞋機,只要將它夾在鞋上,然後插上USB,它的發熱器便會向鞋的內部送出熱風。據說只要3小時便可將鞋吹乾,而且售價亦只需3,480日圓(約239港元),相信每個打工仔都很想要吧。

 

5. 啤酒樽掠鞋 乾快3倍

平時大家只會將鞋靠牆放,讓水自然滴出來風乾。但其實如果將鞋插在酒樽或水樽上,鞋子垂直了,會比單靠在牆上吹乾快2-3倍。假如沒有任何報紙、乾手機的話,那麼可以試試這個方法,當然,更加可以雙管齊下,用報紙塞鞋加以啤酒樽掠乾,必定事半功倍!

 

2大終極方法 非必要時絕對不要用!

以下終極2招乾鞋方法,非被迫到埋牆角絕對不要用呀,因為輕則會冇晒朋友,重則有生命之憂架!

 

6. 微波爐大法 叮叮叮

其實除了鞋外,襪也有極速乾法,如果有微波爐的話,可以嘗試將襪放入微波爐叮2分鐘,這樣襪子很快便會乾。有人更指將襪放入微波爐叮,可有除臭的效果!

 

不過會有一個後果,便是微波爐會有一陣腳臭味,衛生就更加唔使講啦!如果給他人發現,輕則被打鑊或罵至狗血淋頭,重則被杯葛,真係you諗you嘞!

 

7. 避孕套鞋套 預防勝於治療

正所謂預防勝於治療,鞋濕了才想如何把鞋弄乾,倒不如一開始就不讓鞋吸入一滴雨水!網上就有流傳相片,以套製雨!就像預防愛滋病人一樣,想鞋乾,做人就要有一「套」!

 

如果遇到大雨,而身上又帶着避孕套的話,那你就走運了!因為避孕套的高韌性物料可以緊貼着整對鞋,而其高度防漏特質更會令你的鞋子滴水不入!不過用過避孕套後的鞋子,鞋會滑溜溜兼有陣膠味。加上其他人見你以避孕套笠鞋,一定笑爆你!如果你真係要試,畀個tips你:筆者親身試過,要用extra厚及大的 condom ,慢慢將其以陰力在鞋頭開始「劣」上去,否則很容易爛架!