請家務助理大掃除 7大精明小貼士

近年愈來愈多人做家務助理，不過亦有不少人遇過不快事，包括有鐘點臨時加價，請極都請唔到人。有網民更指，遇過家務助理懷疑「呃鐘」HEA做，亦有部分擦太大力整爛傢俬。有見及此，小編決定綜合各用家的分享，歸納7大精明小貼士。

文：Nic Chan

1. 愈早請愈抵

雖然「年廿八洗邋遢」是傳統，不過愈接近農曆新年，家務助理大掃除的需求增加，好似樓市出現「求大於供」的情況，價格自然會上升。

家務助理總工會指，即日起至1月15日，家務助理的建議時薪每人120元，而1月16至24日是150元。至於年廿八、年廿九（即1月25至26日）要自行議價，當然價高者得啦！有時亦會遇到有錢都請唔到人的情況，所以及早請人真係好緊要。

2. 適當聘請人數

講到大掃除，是要為單位做「深層清潔」，一些久久未處理的陳年污垢，都要一一清潔，需要的時間都不少！

為提高清潔效率，最好因應單位大小而聘請適當的人數；家務助理總工會指，500呎以下建議2名家務助理做4小時，600至800呎則3人做4小時，而900至1,200呎建議3人做5小時。如果大家住1,200呎以上，請自行想想要幾多人啦！

3. 經口碑介紹

坊間提供家務助理的機構林林總總，要找到合適的，總要花一點時間，即使透過上述工會介紹，亦可能有參差情況，如何確保質素呢？

除非你與朋友有「牙齒印」啦，正常經相熟朋友轉介，應該有一定口碑保證！聘用前亦可留意前僱主的評論，選擇時便可事半功倍。

4. 列明工作範圍

聘請家務助理前，應先清楚自己的需要，訂立詳盡的職責說明及聘用時間，讓家務助理了解工作範圍，有任何「呃鐘」誤會，或者以為對方好似財爺曾俊華般「HEA做」啦！

5. 書面僱傭合約

不要以為一次性聘用，不用訂立任何合約！找到合適的家務助理時，與對方簽訂書面僱傭合約，可以互相保障大家，免得「口同鼻拗」。

6. 購買勞工保險

根據法例，僱主需要對家務助理因工受傷或死亡作出賠償，即使一次性聘用或兼職工作，一旦出事僱主亦要承擔法律責任。所以一定要買勞保，否則對方出事，賠到你窮！

7. 僱主現場監督

有時候聽到家務助理出現犯錯或疏忽，令單位內財物損壞，甚至有貪心的更會偷竊，所以僱主現場監督，可避免有上述事件發生。

另外，現時規管外傭抹外窗的新條款，現時亦適用於家務助理，所以僱主監督期間，亦可避免對方做出危險行為，工傷要賠嘛，減少風險可保障雙方！

延伸閱讀：
【32日本人自費到香港 清理550公斤垃圾】
http://www.edigest.hk/Vip/detail?id=6856
【過去11年人工無升過 4成打工仔跌破沙士價】
http://www.edigest.hk/Vip/detail?id=5952

【近半數港人工作不快樂 位列亞太第4】
http://www.edigest.hk/Vip/detail?id=5702