月入$18K想同女友買樓 問父母借兩球 「大把人月入$35k都唔敢諗買樓」|網民熱話

社會熱話

廣告

買樓網民熱話】年輕人想有自己私人空間,與另一半有自己嘅家,當屋企人肯借錢俾你買樓,你又應唔應該接受?近日有25歲月入$18K嘅男網民問父母借$200萬,想同相戀一年嘅女友搬出去住,但該網民阿哥極力反對,究竟又係誰錯誰對?

撰文:麗爾|圖片:電視截圖、unsplashlihkg

月入K想同女友買樓 問父母借兩球 「大把人月入k都唔敢諗買樓」|網民熱話

聽過樓主嘅故事後,一眾網民異口同聲地認為,樓主先係錯嗰個!紛紛表示樓主冇錢就唔應該學人買樓,覺得人工得$18K,換句話說即係拎咗屋企2球都還唔起,樓主阿哥真心冇講錯。

「搵18k,你每月可以還幾多俾老豆老母,仲有靜低同銀行果d你又點還?」

「18k學人買樓 一下借哂200萬比你 咁你呀哥呢?」

「你啊哥真係冇講錯,借200萬唔係小事,掏空晒父母積蓄你真係好意思,公平啲講係都你同佢一人分一百萬。」

買樓 月入 女友 父母 網民熱話
【買樓・網民熱話】圖片:電視截圖

樓主有回應解釋自己其實有同女友有plan過,兩人夾埋每月$35k,月供$10k,每人還$5k比屋企再俾$3k家用,會係可行嘅方法。

網民用「好天真」嚟形容樓主 ,表示大把人一個人月入35k都唔敢諗買樓。

家有弟弟嘅網民亦都提到,自己都成日同細佬講無錢唔好學人買/玩。
「屋企人都唔係老奉要借比你,屋企幾兄弟姊妹個個都話要借咁點搞?
你仲咁後生,同埋先拍拖一年,草多幾年錢同拍多一兩年先啦,唔使急於一時要借咁多同埋搞到兩兄弟反哂枱咁。」

「老豆老母既錢都拎 棺材本黎」

買樓 月入 女友 父母 網民熱話
【買樓・網民熱話】圖片:電視截圖

「拍拖一年就諗買樓,分咗手咁點?支持阿哥,冇錢唔好學人買樓,到時候洗大咗你邊有錢還比屋企人。」

「如果真係買樓,2個人一齊供定係自己名自己供?」

樓主亦提到長兄係持住自己賺到啲錢,先說服父母唔好借錢俾樓主。

網民回應:「你阿哥無錯喎,起碼到佢有女嗰陣人地唔洗同佢一齊捱,仲可以俾埋家用。你呢?俾幾多呀?」

 

買樓 月入 女友 父母 網民熱話
【買樓・網民熱話】圖片:電視截圖

另有網民幫樓主計數,每人還$5K,再比$3K家用,即係夾埋$16K加$10K供樓,得番$9K。
$9K要包晒水電煤差响管理費,手機上網交通一日三餐。前提仲要無病痛其他額外支出等。
「唔關有無女事你呀哥講得無錯,仲有你果$5K要還33年先還曬$200萬本金,一個字形容樓豬..垃圾。」

「月入$18k學咩人供樓,你過到壓力測試咩?!不自量力,仲係度怨阿哥」

網民好心奉勸樓主努力賺多啲錢先,$18k學人買樓似乎係天荒夜談。「萬一你老豆老母有啲咩大病咁點算?」

買樓 月入 女友 父母 網民熱話
【買樓・網民熱話】圖片:電視截圖

「老豆老母有病 想拎錢醫都難。靠佢每月幾千蚊,等死啦。最尾又比個波呀哥。」

「垃圾嚟講你算係唔可以回收個種」

「如果你一個月還$5000,要33年先還得晒,樓主識玩」

「樓主阿哥冇趕你出街已經仁至義盡。」

買樓 月入 女友 父母 網民熱話
【買樓・網民熱話】圖片:電視截圖