家用

阿媽話唔加家用就要我簽呢樣嘢 巴打:係香港生存真係唔容易

社會熱話

廣告

在香港,個個都話自己好辛苦,我都未聽過有人話在香港工作冇壓力,工時又長,有一日,我返到屋企,我阿媽要我交多$2,000家用,我心諗我得$12,000 一個月,已經比咗成$3,000家用,點知阿媽話隔離屋黃太個仔比成$10,000 家用,我交多$2,000 好合理,我真係想講佢個仔搵成$50,000 一個月,比$10,000 咪算少囉。跟住佢迫我轉工咪搵多D 錢囉。

撰文:咁就九月鳥   |   圖片:Visualhunt

我唔知點答佢,我淨係話:「$4,000 家用係極限」,佢話唔得,除非你簽呢樣嘢。我心諗政府取消咗「衰仔紙」,你唔係想呃綜援啊?

點知佢拎咗張水電煤的單出嚟,話要我交。咁我就唔洗比家用啦。交水電煤同比$2,000 其實都差唔多,仲要我跟多樣嘢煩。我唯有話好啦,我比多$2,000家用你,我自己返多一份part time 填返條數。係呢一刻,我覺得除咗中六合彩之外,好似冇解決方法比到我。

其實我身邊有同學$1 家用都唔比,雖然我唔認同佢哋的做法,始終父母養咗你咁耐。但我比成4份之1 人工做家用,講真都好合情合理吧。可惜,上一代的人總是覺得我們是廢青,好啦,呻完啦,係時候去JobsDB 睇下有冇part time 啦。

「我試過完美放棄,的確很踏實。

醒來了夢散了,你我都走散了。

只能說我輸了。」